ಮುಳ್ಳೇರಿಯ: ಪೆಟ್ರೋಲ್ ಪಂಪ್ ಮುಂದೆ ಬಿಎಂಎಸ್ ಸತ್ಯಾಗ್ರಹ

0
155

ಮುಳ್ಳೇರಿಯ: ನೌಕರರನ್ನು ವಿನಾಕಾರಣ ಕೆಲಸದಿಂದ ತೆಗೆದು ಹಾಕಿದರೂ ಅವರಿಗೆ ಯಾವುದೇ ಸೌಲಭ್ಯ ನೀಡದಿರುವುದನ್ನು ಪ್ರತಿಭಟಿಸಿ ಬಿಎಂಎಸ್ ನೇತೃತ್ವದಲ್ಲಿ ಮುಳ್ಳೇರಿಯ ಪೆಟ್ರೋಲ್ ಪಂಪ್ ಮುಂದೆ ಸತ್ಯಾಗ್ರಹ ನಡೆಯುತ್ತಿದೆ. ಮುಳ್ಳೇರಿಯ- ಗಾಡಿಗುಡ್ಡೆ ರಸ್ತೆಯಲ್ಲಿರುವ ಪೆಟ್ರೋಲ್ ಪಂಪ್ ಮುಂದೆ ಚಳವಳಿ ಇಂದು ಬೆಳಿಗ್ಗಿನಿಂದ ಆರಂಭಗೊಂಡಿತು. ಪೆಟ್ರೋಲ್ ಪಂಪ್‌ನ ಮೂವರು ನೌಕರರನ್ನು ಆಡಳಿತ ಮಂಡಳಿ ೨೦೧೫ ಡಿ. ೧೫ರಂದು ಕೆಲಸದಿಂದ ವಜಾ ಗೊಳಿಸಿತ್ತು. ಆದರೆ ಅವರಿಗೆ ಇದುವರೆಗೆ ಯಾವುದೇ ಸೌಲಭ್ಯ ನೀಡಿಲ್ಲವೆಂದು ಆರೋಪಿಸಿ ಅನಿರ್ದಿಷ್ಟಾವಧಿ ಚಳವಳಿ ನಡೆಸುವುದಾಗಿ ಬಿಎಂಎಸ್ ನೇತಾರರು ತಿಳಿಸಿದ್ದಾರೆ.

ಚಳವಳಿಯನ್ನು ಇಂದು ಬೆಳಿಗ್ಗೆ ಬಿಎಂಎಸ್ ಜಿಲ್ಲಾ ಕಾರ್ಯದರ್ಶಿ ಕೆ.ಎ. ಶ್ರೀನಿವಾಸನ್ ಉದ್ಘಾಟಿಸಿದರು. ಜಿಲ್ಲಾ ಜತೆ ಕಾರ್ಯದರ್ಶಿ ಎಂ.ಕೆ. ರಾಘವನ್, ವಾಣಿಜ್ಯ ಶ್ರಮಿಕ್ ಸಂಘದ ಜಿಲ್ಲಾ ಕಾರ್ಯದರ್ಶಿ ಕೆ. ದಿನೇಶ್, ಇತರ ನೇತಾರರಾದ ಲೀಲಾಕೃಷ್ಣ, ಟಿ.ಕೆ. ಮಾಧವ, ಸದಾಶಿವ, ದೇವಿಪ್ರಸಾದ್, ರಾಜನ್ ಎಂ.ಕೆ., ದಿವಾಕರ ಮೊದಲಾದವರು ನೇತೃತ್ವ ನೀಡಿದರು.

NO COMMENTS

LEAVE A REPLY