ಬದಿಯಡ್ಕ: ಮನೆಯಲ್ಲಿ ಏಕಾಂಗಿಯಾಗಿ ವಾಸಿಸುತ್ತಿದ್ದ ಯುವಕನೋರ್ವ ನಾಪತ್ತೆಯಾದ ಬಗ್ಗೆ ದೂರಲಾಗಿದೆ. ನಾರಂಪಾಡಿ ನಿವಾಸಿ ಅರ್ಬನ್ ಡಿಸೋಜಾರ ಪುತ್ರ ರೋಶನ್ ಜೋನ್ ಡಿಸೋಜ (41) ನಾಪತ್ತೆಯಾದ ವ್ಯಕ್ತಿ. ಈ ಬಗ್ಗೆ ಇವರ ಸಹೋದರಿ ತೂಮಿನಾಡು ನಿವಾಸಿ ಸರಿತಾ ಡಿಸೋಜಾ ನೀಡಿದ ದೂರಿನಂತೆ ಬದಿಯಡ್ಕ ಪೊಲೀಸರು ಕೇಸು ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ. ಕೂಲಿ ಕಾರ್ಮಿಕನಾದ ರೋಶನ್ ಡಿಸೋಜಾ ಮನೆಯಲ್ಲಿ ಏಕಾಂಗಿಯಾಗಿ ವಾಸಿಸುತ್ತಿದ್ದರೆನ್ನಲಾಗಿದೆ. ಕೆಲವು ದಿನಗಳಿಂದ ಇವರು ಕಾಣದೇ ಇದ್ದುದರಿಂದ ನೆರೆಮನೆ ನಿವಾಸಿಗಳು ಈ ತಿಂಗಳ ೨೫ರಂದು ಸಹೋದರಿ ಸರಿತಾ ಡಿಸೋಜಾರಿಗೆ ಫೋನ್ ಕರೆ ಮಾಡಿ ವಿಷಯ ತಿಳಿಸಿದ್ದರು. ಇದರಂತೆ ಸಹೋದರಿ ಸಂಬಂಧಿಕರ ಮನೆಗೆ ಸಾಗಿ ವಿವಿಧೆಡೆ ಹುಡುಕಿದರೂ ರೋಶನ್ ಡಿಸೋಜಾ ಪತ್ತೆಯಾಗದ ಹಿನ್ನೆಲೆಯಲ್ಲಿ ನಿನ್ನೆ ಪೊಲೀಸರಿಗೆ ದೂರು ನೀಡಿದ್ದಾರೆ.