ಲಿಫ್ಟ್ನೊಳಗೆ ಎರಡು ತಾಸು ಸಿಲುಕಿಕೊಂಡ ವಧೂವರ ಒಳಗೊಂಡ ವಿವಾಹ ತಂಡ
ಕಾಸರಗೋಡು: ಮದುವೆಗೆಂದು ಲಿಫ್ಟ್ನಲ್ಲಿ ಸಭಾಂಗಣಕ್ಕೆ ಏರುತ್ತಿದ್ದ ವೇಳೆ ಲಿಫ್ಟ್ ದಿಢೀರ್ ಕೈಕೊಟ್ಟು ವಧೂವರ ಸೇರಿದಂತೆ ೧೮ ಮಂದಿ ಒಳಗೊಂಡ ಮದುವೆ ತಂಡ ಎರಡು ಗಂಟೆಗಳ ತನಕ ಲಿಫ್ಟ್ನಲ್ಲೇ ಸಿಲುಕಿಕೊಂಡು ಒದ್ದಾಡಬೇಕಾದ ಘಟನೆ ನಡೆದಿದೆ.
ತೃಕ್ಕರಿಪುರ ವಡಕ್ಕೇ ಕೊವ್ವಲ್ನ ಖಾಸಗಿ ಸಭಾಂಗಣದಲ್ಲಿ ಘಟನೆ ನಡೆದಿದೆ. ಪಳಯಂಗಾಡಿ ನಿವಾಸಿಯಾದ ವರ ಹಾಗೂ ಹೊಸದುರ್ಗ ನಿವಾಸಿ ವಧು ಮತ್ತು ಅವರ ಕುಟುಂಬದವರು ಒಂದನೇ ಮಹಡಿಯಲ್ಲಿರುವ ಸಭಾಂಗಣಕ್ಕೆ ಹೋಗಲು ಲಿಫ್ಟ್ಗೇರಿದ್ದರು. ಲಿಫ್ಟ್ ಮೇಲಕ್ಕೇರುತ್ತಿದ್ದಂತೆಯೇ ಭಾರೀ ಸದ್ದಿನೊಂದಿಗೆ ಅರ್ಧದಲ್ಲೇ ನಿಂತುಹೋಗಿದೆ. ಇದರಿಂದ ಅವರಿಗೆ ಹೊರಬಾರಲಾಗದೆ ಚಡಪಡಿಸಿದರು. ಕೊನೆಗೆ ಅಗ್ನಿಶಾಮಕದಳ ಆಗಮಿಸಿ ಲಿಫ್ಟ್ನ ಬಾಗಿಲನ್ನು ತೆರೆದು ಅದರಲ್ಲಿ ಸಿಲುಕಿಕೊಂಡಿದ್ದವರನ್ನು ಏಣಿಯ ಮೂಲಕ ರಕ್ಷಿಸಿದ್ದಾರೆ. ಅಷ್ಟರೊಳಗೆ ನಿಗದಿತ ಸಂಖ್ಯೆಗಿಂತ ಹೆಚ್ಚು ಮಂದಿ ಲಿಫ್ಟ್ಗೇರಿ ಅದರಿಂದ ಉಂಟಾದ ಅಮಿತ ಭಾರವೇ ಅದು ಕೈಕೊಡಲು ಕಾರಣವೆಂದು ತಿಳಿಸಲಾಗಿದೆ. ಈ ಲಿಫ್ಟ್ ಈ ಹಿಂದೆಯೂ ಇದೇ ರೀತಿ ಜನರು ಏರುವ ವೇಳೆ ಕೈಕೊಟ್ಟಿತ್ತು.
