ಕಾಸರಗೋಡು: ಕಾಸರಗೋಡು ಮತ್ತು ಮೇಲ್ಪರಂಬ ಪೊಲೀಸರು ನಡೆಸಿದ ಪ್ರತ್ಯೇಕ ಕಾರ್ಯಾಚರಣೆಗ ಳಲ್ಲಾಗಿ ಅನಧಿಕೃತವಾಗಿ ಸಾಗಿಸುತ್ತಿದ್ದ ಎರಡು ಲೋಡ್ ಮರಳು ವಶಪಡಿಸಿಕೊಂಡಿದ್ದಾರೆ.

ಮೊಗ್ರಾಲ್ ಪುತ್ತೂರಿನಲ್ಲಿ ಕಾಸರಗೋಡು ಪೊಲೀಸರು ನಡೆಸಿದ ಕಾರ್ಯಾಚಣೆಯಲ್ಲಿ ಟೆಂಪೋದಲ್ಲಿ ಸಾಗಿಸುತ್ತಿದ್ದ ಹೊಯ್ಗೆ ವಶಪಡಿಸಿದ್ದಾರೆ. ಆಗ ಆ ವಾಹನವನ್ನು ಚಾಲಕ   ಅಲ್ಲೇ ಉಪೇಕ್ಷಿಸಿ ಪರಾರಿಯಾಗಿದ್ದಾನೆ. ಬಳಿಕ ಆ ವಾಹನವನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡರು. ಇದೇ ರೀತಿ ಪೊಯಿನಾಚಿ ಸಮೀಪದ ಇಡವುಂಗಾಲ್-ಚಾತಂಗೈ ರಸ್ತೆಯಲ್ಲಿ ರಾತ್ರಿ ವೇಳ ಮೇಲ್ಪರಂಬ ಪೊಲೀಸರು ನಡೆಸಿದ ಕಾರ್ಯಾಚರಣೆಯಲ್ಲಿ ಟಿಪ್ಪರ್ ಲಾರಿಯಲ್ಲಿ ಅನಧಿಕೃತವಾಗಿ ಸಾಗಿಸುತ್ತಿದ್ದ ಹೊಳೆ ಮರಳನ್ನು ವಶಪಡಿಸಿದ್ದಾರೆ. ಆ ವೇಳೆ ಅದರ ಚಾಲಕ ಅಲ್ಲಿಂದ ಪರಾರಿಯಾಗಿದ್ದಾನೆ. ಬಳಿಕ ಹೊಯ್ಗೆಯನ್ನು ಲಾರಿ ಸಹಿತ ವಶಪಡಿಸಿಕೊಂಡು ಠಾಣೆಗೆ ಸಾಗಿಸಿದ್ದಾರೆ. ಟಿಪ್ಪರ್ ಲಾರಿಯ ನೋಂದಾವಣೆ ನಂಬ್ರವನ್ನು ಸರಿಯಾಗಿ  ಗೋಚರಿಸದ ರೀತಿಯಲ್ಲ್ಲಿ ಅಳವಡಿಸಲಾಗಿತ್ತೆಂದು ಪೊಲೀಸರು ತಿಳಿಸಿದ್ದಾರೆ