ಗಾಳಿ, ಮಳೆ: ಕಳತ್ತೂರಿನಲ್ಲಿ ಮನೆ ಕುಸಿತ

ಕುಂಬಳೆ: ಕಳತ್ತೂರು ಚೆಕ್‌ಪೋಸ್ಟ್ ಶ್ರೀನಗರದ ಜಗನ್ನಾಥ ಎಂಬವರ ಮನೆ ಮೊನ್ನೆ ರಾತ್ರಿ ಬೀಸಿದ ಗಾಳಿ ಮಳೆಗೆ ಕುಸಿದು ಬಿದ್ದಿದೆ. ಮನೆಯ ಹೆಂಚು ಹಾಗೂ ಶೀಟ್ ಹಾಸಿದ ಛಾವಣಿ ಕುಸಿದಿದೆ. ರಾತ್ರಿ ವೇಳೆ ಜಗನ್ನಾಥ, ಪತ್ನಿ ಹಾಗೂ ಇಬ್ಬರು ಮಕ್ಕಳು ಮನೆಯಲ್ಲಿ ನಿದ್ರಿಸುತ್ತಿದ್ದರು. ಈ ವೇಳೆ ಮನೆ ಕುಸಿದಿದ್ದು, ಕುಟುಂಬ ಅದೃಷ್ಟವಶಾತ್  ಅಪಾಯದಿಂದ ಪಾರಾಗಿದೆ. ವಿಷಯ  ತಿಳಿದು ತಲುಪಿದ ನಾಗರಿಕರು ಕುಟುಂಬದವರನ್ನು ಸಂಬಂಧಿಕರ ಮನೆಗೆ ಸ್ಥಳಾಂತರಿಸಿದರು.