ಯುವತಿಯ ಪ್ರೀತಿಸಿದ ಅವಳಿ ಸಹೋದರರು ನಗ್ನ ಚಿತ್ರ ಪ್ರದರ್ಶಿಸಿದ ಆರೋಪಿಗಳು ಸೆರೆ
ಮಲಪ್ಪುರಂ: ಪ್ರೀತಿಸಿ ಯುವ ತಿಯ ನಗ್ನಚಿತ್ರ ತೆಗೆದು ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಚಾರ ಮಾಡಿದ ಅವಳಿ ಸಹೋದರರು ಸೆರೆಯಾಗಿದ್ದಾರೆ. ಕಾಳಿಕ್ಕಾವ್ ಅಂಜಚ್ಚಾವಡಿ ಕಾಣಂಜೇರಿ ನಿವಾಸಿ ಹಸೈನಾರ್ (21), ಹುಸೈನ್ (21) ಎಂಬಿವರನ್ನು ಎಡಕ್ಕರ ಪೊಲೀಸರು ಬಂಧಿಸಿದ್ದಾರೆ. ನಿಲಾಂಬೂರ್ ಚಂದಕುನ್ನ್‌ನಲ್ಲಿ ಬಾಡಿಗೆಗೆ ವಾಸಿಸುತ್ತಿದ್ದ ಮಧ್ಯೆ ಅವಳಿ ಸಹೋದರರಾದ ಹಸೈನಾರ್ ಹಾಗೂ ಹುಸೈನ್ ಯುವತಿಯ ಪರಿಚಯಗೊಂ ಡಿದ್ದರು. ಹಸೈನಾರ್ ಈಕೆಯಲ್ಲಿ ಪ್ರಥಮ ವಾಗಿ ಪ್ರಣಯ ವಿನಂತಿ ನಡೆಸಿದ್ದನು. ಬಳಿಕ ಇವರಿಬ್ಬರೂ ವಯನಾಡ್ ಚುಳ್ಳಿಯೋಟ್‌ಗೆ ವಾಸ ಬದಲಿಸಿದರು.
ಈ ಮಧ್ಯೆ ಹುಸೈನ್‌ನೊಂದಿಗೆ ಯುವತಿ ಪರಿಚಯಗೊಂಡಿದ್ದು, ಈತನು ಮೊಬೈಲ್ ಫೋನ್‌ನ ಮೂಲಕ ಯುವತಿಯಲ್ಲಿ ಪ್ರೇಮ ವಿನಂತಿ ನಡೆಸಿದನು. ಆದರೆ ಈ ವಿಷಯ ಹಸೈನಾರ್ ತಿಳಿದಿರಲಿಲ್ಲ. ಬಳಿಕ ಅವಳಿ ಸಹೋದರರು ಸೇರಿ ಯುವತಿಯನ್ನು ಪ್ರೇರೇಪಿಸಿ ರಾತ್ರಿ ವೇಳೆ ವೀಡಿಯೋ ಕಾಲ್ ಮೂಲಕ ನಗ್ನ ಚಿತ್ರ ಸೆರೆ ಹಿಡಿದು ನಮ್ಮನ್ನು ವಿವಾಹವಾಗದಿದ್ದರೆ ಗೆಳೆಯರಿಗೆ ಹಾಗೂ ಊರಿನವರಿಗೆ ಈ ವೀಡಿಯೋವನ್ನು ಕಳುಹಿಸಿಕೊಡು ವುದಾಗಿ ಬೆದರಿಸಿದರೆನ್ನಲಾಗಿದೆ. ಬಳಿಕ ಯುವತಿ ಈ ಸಂಬಂಧದಿಂದ ಹಿಂಜರಿದಿದ್ದು, ಇದರ ದ್ವೇಷದಿಂದ ಸಾಮಾಜಿಕ ಜಾಲತಾಣಗಳಲ್ಲಿ ನಗ್ನ ದೃಶ್ಯಗಳನ್ನು ಪ್ರದರ್ಶಿಸಲಾಗಿದೆ. ಇನ್ಸ್‌ಪೆಕ್ಟರ್ ಎನ್.ಬಿ. ಶೈಜು, ಎಎಸ್‌ಐ ಶಹಜಹಾನ್, ಸೀನಿಯರ್ ಸಿವಿಲ್ ಪೊಲೀಸ್ ಆಫೀಸರ್ ಸಾಬಿರಲಿ, ಅರುಣ್ ಕುಮಾರ್ ಎಂಬಿವರು ಸೇರಿ ಆರೋಪಿಗಳನ್ನು ಸೆರೆ ಹಿಡಿದಿದ್ದಾರೆ. ಇವರನ್ನು ಮಂಜೇರಿ ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದು, ರಿಮಾಂಡ್‌ಗೊಳಿಸಲಾಗಿದೆ.
