ರಂಬೂಟನ್ ಗಂಟಲಲ್ಲಿ ಸಿಲುಕಿ ಮಗು ಮೃತ್ಯು

ಕೊಚ್ಚಿ: ಪೆರುಂಬಾವೂರ್‌ನಲ್ಲಿ ರಂಬೂಟನ್ ಹಣ್ಣು ಗಂಟಲಲ್ಲಿ ಸಿಲುಕಿ ಒಂದು ವರ್ಷದ ಮಗು ದಾರುಣವಾಗಿ ಮೃತಪಟ್ಟಿದೆ. ಮರುದಕವಲದಲ್ಲಿ ಬಾಡಿಗೆಗೆ ವಾಸಿಸುವ ಇಡುಕ್ಕಿ ನಿವಾಸಿ ಆದಿರಾಳ ಪುತ್ರ ಅವ್ಯುಕ್ತ್ ಮೃತಪಟ್ಟ ಮಗು. ನಿನ್ನೆ ಸಂಜೆ 6 ಗಂಟೆಗೆ ಧಾರುಣ ಘಟನೆ ನಡೆದಿದೆ. ಅಜ್ಜಿಯ ಜೊತೆ ಆಟವಾಡಿಕೊಂಡಿದ್ದ ಮಗು ಸಿಕ್ಕಿದ ರಂಬೂಟನ್ ಹಣ್ಣನ್ನು ನುಂಗಿದೆ. ಕೂಡಲೇ ಆಸ್ಪತ್ರೆಗೆ ತಲುಪಿಸಿದರೂ ಜೀವ ಉಳಿಸಲು ಸಾಧ್ಯವಾಗಲಿಲ್ಲ. ಮೃತದೇಹವನ್ನು ಪೆರುಂಬಾವೂರಿನ ಖಾಸಗಿ ಆಸ್ಪತ್ರೆಯ ಶವಾಗಾರದಲ್ಲಿರಿಸಲಾಗಿದೆ.