ಕಾಸರಗೋಡು: ವಿದ್ಯಾನಗರದಲ್ಲಿ ಕಾರ್ಯವೆಸಗುತ್ತಿರುವ  ವರ್ಕ್ ಶಾಪ್‌ಗೆ ಕಳ್ಳರು ನುಗ್ಗಿ ಸುಮಾರು  75,000 ರೂ. ಬೆಲೆಯ ಎಂ.ಎಸ್ ಬೋಲ್ಡ್ ಮತ್ತು  ಎಲ್‌ಪಿ ಕಂಪೆನಿಯ ಗ್ಯಾಸ್ ಸಿಲಿಂಡರ್‌ಗಳನ್ನು ಕಳವುಗೈದಿರುವುದಾಗಿ ಕಾಸರಗೋಡು ಪೊಲೀಸರಿಗೆ ದೂರು ನೀಡಲಾಗಿದೆ. ಪ್ರಸ್ತುತ ವರ್ಕ್ ಶಾಪ್ ಸಿಬ್ಬಂದಿ ನೀಲೇಶ್ವರ ಕರುವಾಂಚೇರಿ  ನಿವಾಸಿ ಪ್ರಯಾಗ್ ವಿ.ವಿ ಈ ಬಗ್ಗೆ ದೂರು ನೀಡಿದ್ದು, ಅದರಂತೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಆರಂಭಿಸಿದ್ದಾರೆ. ಜೂನ್ 8 ಮತ್ತು 9ರ ನಡುವೆ ಈ ಕಳವು ನಡೆದಿದೆ.