ತಿರುವನಂತಪುರ: ರಾಜ್ಯದ ಶಾಲೆಗಳ ಫಿಟ್‌ನೆಸ್ (ದೃಢತೆ)ಗಳ ಬಗ್ಗೆ ಪರಿಶೀಲಿಸಲು ವಿಶೇಷ ಸಮಿತಿಗೆ ರೂಪು ನೀಡಲು ರಾಜ್ಯ ಸ್ಥಳೀಯಾಡಳಿತ ಇಲಾಖೆ ತೀರ್ಮಾನಿಸಿದೆ. ಶಾಲಾ ಕಟ್ಟಡಗಳ ಫಿಟ್‌ನೆಸ್‌ಗಳನ್ನು ನಿರ್ಣಯಿಸುವ ಹೊಸ ನಿರ್ದೇಶಗಳನ್ನು ಈ ಸಮಿತಿ ಸರಕಾರಕ್ಕೆ ಸಲ್ಲಿಸಲಿದೆ.
ಈ ಕುರಿತಾದ ಶಿಫಾರಸ್ಸುಗಳನ್ನು ತಯಾರಿಸುವ ಹೊಣೆಗಾರಿಕೆಯನ್ನು ಸ್ಥಳೀಯಾಡಳಿತ ಇಲಾಖೆಯ ಚೀಫ್ ಇಂಜಿನಿಯರ್ ಕೆ.ಜಿ. ಸಂದೀಪ್‌ರಿಗೆ ವಹಿಸಿಕೊಡಲಾಗಿದೆ. ಇಲೆಕ್ಟ್ರಿಕಲ್ ಚೀಫ್ ಇನ್ಸ್‌ಪೆಕ್ಟರ್ ಶಾಲಾ ಮುಖ್ಯೋಪಾಧ್ಯಾಯ, ಅನುದಾನಿತ ಶಾಲೆಗಳ ಆಡಳಿತ ಸಮಿತಿ, ರಾಜ್ಯ ವಿದ್ಯುನ್ಮಂಡಳಿ ಮತ್ತು ಅಗ್ನಿಶಾಮಕ ದಳದ ಪ್ರತಿನಿಧಿಗಳನ್ನು ಈ ಸಮಿತಿಯಲ್ಲಿ ಒಳಪಡಿಸುವ ತೀರ್ಮಾನ ಕೈಗೊಳ್ಳಲಾಗಿದೆ.
ಈ ಸಮಿತಿ ಎಲ್ಲಾ ಶಾಲಾ ಕಟ್ಟಡಗಳ ದೃಢತೆಗಳ ಬಗ್ಗೆ ಮೊದಲು ಪರಿಶೀಲಿಸಲಿದೆ. ಬೆಂಕಿ ಅನಾಹುತ ಸಾಧ್ಯತೆ ಬಗ್ಗೆ ಇಲೆಕ್ಟ್ರಿಕಲ್ ವಯರಿಂಗ್ ಮತ್ತು ಅಗ್ನಿಶಾಮಕ ದಳದ ಪ್ರತಿನಿಧಿಗಳು ಪರಿಶೀಲಿಸು ವರು. ಪರಿಶೀಲನಾ ವರದಿ ಲಭಿಸಿದ ಬಳಿಕ ಅದಕ್ಕೆ ಹೊಂದಿಕೊಂಡು ಮುಂದಿನ ಕ್ರಮ ಕೈಗೊಳ್ಳಲಾಗುವುದು.
