Author: admin@daily

ಕಾಸರಗೋಡು: ಖ್ಯಾತ ಉದ್ಯಮಿ, ಎ.ಕೆ. ಬ್ರದರ್ಸ್ ಸಂಸ್ಥೆಗಳ ಮಾಲಕ ಎ.ಕೆ. ಮುಹಮ್ಮದ್ ಅನ್ವರ್ (65) ನಿಧನ ಹೊಂದಿದರು. ಕೇರಳ ಸ್ಟೇಟ್ ಕಿರು ಕೈಗಾರಿಕೆ ಫೆಡರೇಶನ್ ಜಿಲ್ಲಾ ಉಪಾಧ್ಯ ಕ್ಷರಾಗಿದ್ದರು.  ಇಂದು ಮುಂಜಾನೆ ನಿಧನ ಸಂಭವಿಸಿದ್ದು, ಹೃದಯಾ ಘಾತ ಮರಣಕ್ಕೆ ಕಾರಣವೆನ್ನ ಲಾಗಿದೆ. ನಿಧನಕ್ಕೆ ಕೆಎಸ್‌ಎಸ್ ಐಎಫ್ ರಾಜ್ಯ ಪದಾಧಿಕಾರಿಗಳು ಹಾಗೂ ಜಿಲ್ಲಾ ಪದಾಧಿಕಾರಿಗಳು ಸಂತಾಪ ಸೂಚಿಸಿದ್ದಾರೆ.

ಕಾಸರಗೋಡು: ಕಾಸರಗೋಡು ನಗರಸಭೆಯಲ್ಲಿ ವಿಜಿಲೆನ್ಸ್ 37 ಲಕ್ಷ ರೂ.ಗಳ ಅವ್ಯವಹಾರ ಪತ್ತೆಹಚ್ಚಿರುವುದಾಗಿ ಬಿಜೆಪಿ ಜಿಲ್ಲಾಧ್ಯಕ್ಷೆ ಎಂ.ಎಲ್. ಅಶ್ವಿನಿ ಆರೋಪಿಸಿದರು. 25 ವರ್ಷದಿಂದ ಆಡಳಿತದಲ್ಲಿರುವ ಮುಸ್ಲಿಂ ಲೀಗ್ ನಗರಸಭೆಯ ತೆರಿಗೆದಾರರ ಹಣವನ್ನು ಅವ್ಯವಹಾರಕ್ಕೆ ಉಪಯೋಗಿಸಲಿರುವ ‘ಮನಿಸೆಂಟರ್’ ಆಗಿ ನಗರಸಭೆಯನ್ನು ಬದಲಿಸಿದೆ ಎಂದು ಅವರು ಆರೋಪಿಸಿದರು. ಅಭಿವೃದ್ಧಿ ರಹಿತ ಭ್ರಷ್ಟಾಚಾರ ಆಡಳಿತವೆಂದು ಆರೋಪಿಸಿ ಬಿಜೆಪಿ ನಗರಸಮಿತಿಯ ನೇತೃತ್ವದಲ್ಲಿ ನಗರಸಭಾ ಕಚೇರಿಗೆ ನಡೆಸಿದ ಮಾರ್ಚ್ ಉದ್ಘಾಟಿಸಿ ಅವರು ಮಾತನಾಡುತ್ತಿದ್ದರು. ನಗರದ ಹೆಚ್ಚಿನ ರಸ್ತೆಗಳು ಸಂಚಾರಯೋಗ್ಯವಲ್ಲದಂತಾಗಿದೆ. ಪ್ರವಾಸಿ ವಲಯದಲ್ಲೂ, ನಗರ ಸೌಂದರ್ಯಗೊಳಿಸುವುದಕ್ಕೂ ಕೇಂದ್ರ …

Read more “ಕಾಸರಗೋಡು ನಗರಸಭೆಯಲ್ಲಿ 37 ಲಕ್ಷ ರೂ.ಗಳ ಅವ್ಯವಹಾರ ವಿಜಿಲೆನ್ಸ್‌ನಿಂದ ಪತ್ತೆ- ಎಂ.ಎಲ್. ಅಶ್ವಿನಿ”

ಉಪ್ಪಳ: ರಾಷ್ಟ್ರೀಯ ಮುಷ್ಕರ ದಂಗವಾಗಿ ನಡೆದ ಯುಡಿಟಿಎಫ್ ಪ್ರತಿಭಟನಾ ಒಕ್ಕೂಟವನ್ನು ಉಪ್ಪಳದಲ್ಲಿ ಶಾಸಕ ಎಕೆಎಂ ಅಶ್ರಫ್ ಉದ್ಘಾಟಿಸಿದರು. ಕೇಂದ್ರದ ನರೇಂದ್ರ ಮೋದಿ ಹಾಗೂ ರಾಜ್ಯದ ಪಿಣರಾಯಿ ವಿಜಯನ್ ಹಕ್ಕಿಯ ಎರಡು ರೆಕ್ಕೆಗಳಂತೆ ಎಂದು ಅವರು ಆರೋಪಿಸಿದರು. ಸತ್ಯನ್ ಸಿ. ಉಪ್ಪಳ ಅಧ್ಯಕ್ಷತೆ ವಹಿಸಿದರು. ಕೆ.ಪಿ. ಮುನೀರ್ ಸ್ವಾಗತಿಸಿದರು. ವಿವಿಧ ಸಂಘಟನೆಗಳ ಮುಖಂಡರಾದ ಉಮ್ಮರ್, ಶಾಜಿ ಎನ್.ಸಿ, ಮೊಯ್ದೀನ್ ಹೊಸಂಗಡಿ, ಖಮರುದ್ದೀನ್ ಪಾಡಲಡ್ಕ, ಜೆಸ್ಸಿ ಅನಿಲ್ ಕಣ್ವತೀರ್ಥ, ಶಿವರಾಮ್ ಶೆಟ್ಟಿ, ಇಸ್ಸಾಕ್ ಉಪ್ಪಳ, ಹಾರಿಸ್ ಬಂದ್ಯೋಡು, ಅಸೀಸ್ ಕಡಪ್ಪು, …

Read more “ರಾಷ್ಟ್ರೀಯ ಮುಷ್ಕರ: ಉಪ್ಪಳದಲ್ಲಿ ಪ್ರತಿಭಟನೆ”

ಹೊಸದುರ್ಗ: ಗಾಯಕ ಹಾಗೂ ಮಾಪಿಳಪ್ಪಾಟು ಕಲಾವಿದ ಕಾಞಂಗಾಡ್ ನಿವಾಸಿ ಎಂ.ಕೆ. ಮನ್ಸೂರ್ (44) ನಿಧನ ಹೊಂದಿದರು.  ಅಸೌಖ್ಯ ಹಿನ್ನೆಲೆಯಲ್ಲಿ 20 ದಿನದ ಹಿಂದೆ ಶಸ್ತ್ರಚಿಕಿತ್ಸೆಗೊಳಗಾಗಿದ್ದರು. ಸ್ಥಳೀಯ ಕಲೆ- ಸಾಮಾಜಿಕ ಸಾಂಸ್ಕೃತಿಕ ರಂಗಗಳಲ್ಲಿ ಸಕ್ರಿಯರಾಗಿದ್ದರು. ಮಾಪಿಳ ಕಲಾವಿದರ ಸಂಘಟನೆಯಾದ ಉಮ್ಮಾಸ್‌ನ ಕಾರ್ಯದರ್ಶಿಯಾಗಿದ್ದಾರೆ. ಮೃತರು ತಾಯಿ ಖದೀಜ, ಸಹೋದರಿಯರಾದ ನಸೀಮ, ಖೈರುನ್ನೀಸ ಹಾಗೂ ಅಪಾರ ಬಂಧು-ಮಿತ್ರರನ್ನು ಅಗಲಿದ್ದಾರೆ. ತಂದೆ ವಡಕ್ಕರಮುಖ್ ಆವಿಕ್ಕೆರೆ ನಿವಾಸಿ ಹಸೈನಾರ್ ಈ ಹಿಂದೆ ನಿಧನ ಹೊಂದಿದ್ದಾರೆ.

ಪೆರ್ಲ: ಇಲ್ಲಿಗೆ ಸಮೀಪದ ಪರ್ಪಕರಿಯದಲ್ಲಿ ವಾಸವಾಗಿರುವ ಪರಮೇಶ್ವರ ನಾಯ್ಕ್ (50) ನಿಧನ ಹೊಂದಿದರು. ಕಳೆದ ಕೆಲವು ಸಮಯಗಳಿಂದ ಅಸೌಖ್ಯ ತಗಲಿ ಚಿಕಿತ್ಸೆಯಲ್ಲಿದ್ದರು. ತಂದೆ ಐತ್ತಪ್ಪ ನಾಯ್ಕ್ ಈ ಹಿಂದೆ ನಿಧನ ಹೊಂದಿದ್ದಾರೆ. ಮೃತರು ತಾಯಿ ಸರಸ್ವತಿ, ಪತ್ನಿ ಶೋಭಾ, ಪುತ್ರಿಯರಾದ ವರ್ಷಿತ, ಸುದೀಕ್ಷಾ, ಸಹೋದರ ಉದಯ ಹಾಗೂ ಅಪಾರ ಬಂಧು-ಮಿತ್ರರನ್ನು ಅಗಲಿದ್ದಾರೆ. ಏಕದಂತ ಬಳಗ ಪೆರ್ಲ ಇದರ ಸದಸ್ಯರಾಗಿದ್ದು, ನಿಧನಕ್ಕೆ ಏಕದಂತ ಬಳಗ ಸಂತಾಪ ಸೂಚಿಸಿದೆ.