Author: admin@daily

ಬದಿಯಡ್ಕ: ಮದ್ರಸಕ್ಕೆ ತೆರಳುತ್ತಿದ್ದ ವಿದ್ಯಾರ್ಥಿನಿಯನ್ನು ಅಪ್ಪಿ ಹಿಡಿದು ಮೀನು ಮಾರಾಟಗಾರನನ್ನು ಬದಿಯಡ್ಕ ಪೊಲೀಸರು ಪೋಕ್ಸೋ ಪ್ರಕಾರ ಸೆರೆಹಿಡಿದಿದ್ದಾರೆ. ಶೇಣಿ ಪದ್ಯಾಣದ ಹಂಸ (೫೫) ಎಂಬಾತ ಬಂಧಿತ ಆರೋಪಿಯಾ ಗಿದ್ದಾನೆ. ಈತನಿಗೆ ರಿಮಾಂಡ್ ವಿಧಿಸಲಾಗಿದೆ.  ಕಳೆದ ದಿನ ಬೆಳಿಗ್ಗೆ ಘಟನೆ ನಡೆದಿದೆ. ಬಾಲಕಿ ನಡೆದು ಹೋಗುತ್ತಿದ್ದ ವೇಳೆ ಮೀನು ಮಾರಾಟಕ್ಕೆ ತಲುಪಿದ ಹಂಸ ಅಪ್ಪಿಹಿಡಿದನೆಂದು ದೂರಲಾಗಿದೆ. ಬಾಲಕಿ ಮದ್ರಸಕ್ಕೆ  ತೆರಳಿ ಮನೆಗೆ  ತಲುಪಿ ತಾಯಿಯಲ್ಲಿ ವಿಷಯ ತಿಳಿಸಿದ್ದಳು. ಬಳಿಕ ಪೊಲೀಸರಿಗೆ ದೂರು ನೀಡಲಾಗಿದೆ.

ಕಾಸರಗೋಡು: ಯುವಕ ಮನೆಯ ಬೆಡ್‌ರೂಂನಲ್ಲಿ ನೇಣುಬಿಗಿದು ಸಾವಿಗೀಡಾದ ಸ್ಥಿತಿಯಲ್ಲಿ ಪತೆಯಾಗಿ ದ್ದಾರೆ. ಕೊರಕ್ಕೋಡು ಕ್ಷೇತ್ರ ಸಮೀಪದ ಮನಮೋಹನ್-ಶಾರದ ದಂಪತಿ ಪುತ್ರ ದೇವರಾಜ್ (೪೬) ಮೃತಪಟ್ಟ ಯುವಕನಾಗಿದ್ದಾರೆ. ನಿನ್ನೆ ರಾತ್ರಿ ಮಲಗಿದ್ದ ಇವರು ಇಂದು ಬೆಳಿಗ್ಗೆ ನೇಣು ಬಿಗಿದು ಸಾವಿಗೀಡಾದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾರೆ. ಘಟನೆ ಬಗ್ಗೆ ನಗರ ಠಾಣೆ ಪೊಲೀಸರು ಅಸಹಜ ಸಾವು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಮೃತದೇಹವನ್ನು ಜನರಲ್ ಆಸ್ಪತ್ರೆಯ  ಶವಾಗಾರಕ್ಕೆ ತಲುಪಿಸಲಾಗಿದೆ. ಮೃತರು ಪತ್ನಿ ಲೇಖನ, ಏಕಪುತ್ರ ತನುಷ್ ಹಾಗೂ ಅಪಾರ ಬಂಧು-ಮಿತ್ರರನ್ನು ಅಗಲಿದ್ದಾರೆ.

ತೃಶೂರು: ವಿವಿಧ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವ ಅಂಗವಾಗಿ ಪ್ರಧಾನಮಂತ್ರಿ ನರೇಂದ್ರ ಮೋದಿಯವರು ನಾಳೆ ಕೇರಳಕ್ಕೆ ಆಗಮಿಸುವರು. ಮಧ್ಯಾಹ್ನ ವೇಳೆ ಕೊಚ್ಚಿಗೆ ತಲುಪುವ ಪ್ರಧಾನಮಂತ್ರಿ ಬಳಿಕ ತೃಶೂರಿಗೆ ತೆರಳುವರು. ಅಲ್ಲಿನ ತೆಕ್ಕಿನ್‌ಕಾಡ್ ಮೈದಾನದಲ್ಲಿ ರೋಡ್‌ಶೋ ನಡೆಯಲಿದ್ದು, ಅನಂತರ ಮಹಿಳಾ ಸಮ್ಮೇಳನದಲ್ಲಿ ನರೇಂದ್ರ ಮೋದಿ ಭಾಗವಹಿಸಿ ಮಾತನಾಡುವರು. ಪ್ರಧಾನಮಂತ್ರಿ ಇಂದು ತಮಿಳುನಾಡಿಗೆ ಭೇಟಿ ನೀಡಲಿದ್ದಾರೆ. ಅಲ್ಲಿ ಹಲವು ಅಭಿವೃದ್ಧಿ ಯೋಜನೆಗಳನ್ನು ಉದ್ಘಾಟಿಸುವರು. ರಸ್ತೆ, ವಾಯುಸಾರಿಗೆ ರಂಗಗಳಲ್ಲಾಗಿ ೧೯,೫೦೦ ಕೋಟಿ ರೂಪಾಯಿಗಳ ಅಭಿವೃದ್ಧಿ ಯೋಜನೆಗಳ ಉದ್ಘಾಟನೆ ತಮಿಳುನಾಡಿನಲ್ಲಿ ನಡೆಯಲಿದೆ.