ಕೊಚ್ಚಿ: ಆನ್‌ಲೈನ್‌ನಲ್ಲಿ ಮಾದಕ ಪದಾರ್ಥ ಖರೀದಿಸಿ ಮಾರಾಟ ನಡೆಸುತ್ತಿದ್ದ ಯುವತಿ ಹಾಗೂ ಯುವಕನನ್ನು ಅಬಕಾರಿ ತಂಡ ಸೆರೆ ಹಿಡಿದಿದೆ. ಲಕ್ಷದ್ವೀಪ ನಿವಾಸಿ ಫರೀದ (27), ಎರ್ನಾಕುಳಂ ನಿವಾಸಿ ಶಿವದಾಸನ್ (25) ಎಂಬಿವರನ್ನು ಕೊಚ್ಚಿ ಯ ವಸತಿಗೃಹದಿಂದ ಸೆರೆ ಹಿಡಿಯಲಾಗಿದೆ. 3.7 ಗ್ರಾಂ ಎಂಡಿಎಂಎ ಹಾಗೂ 30 ಎಲ್‌ಎಸ್‌ಡಿ ಸ್ಟಾಂಪ್‌ಗಳನ್ನು ಇವರಿಂದ ವಶಪಡಿಸ ಲಾಗಿದೆ. ಈ ಮಧ್ಯೆ ಆಪರೇಷನ್ ಡಿ-ಹಂಟ್‌ನಂಗವಾಗಿ ಇತ್ತೀಚೆಗೆ ನಡೆಸಿದ ವ್ಯಾಪಕ ತಪಾಸಣೆಯಲ್ಲಿ ಮಾದಕ ಪದಾರ್ಥ ಸಹಿತ 123 ಮಂದಿ ಸೆರೆಯಾಗಿದ್ದಾರೆ. 107 ಪ್ರಕರಣಗಳನ್ನು ದಾಖಲಿಸಲಾ ಗಿದೆ. ಒಟ್ಟು 1.2 ಕಿಲೋ ಗ್ರಾಂ ಎಂಡಿಎಂಎ, 8.6 ಕಿಲೋ ಗ್ರಾಂ ಗಾಂಜಾ, 66 ಗಾಂಜಾ ಬೀಡಿಯನ್ನು ವಶಪಡಿಸಲಾಗಿದೆ.