ಫ್ಯಾನ್‌ನಿಂದ ಶಾಕ್ ನಾಲ್ಕು ಮಕ್ಕಳು ಸಾವು
ಕಾನ್ಫುರ: ಮನೆಯ ಫ್ಯಾನ್‌ನಿಂದ ಶಾಕ್ ತಗಲಿ ನಾಲ್ಕು ಮಕ್ಕಳು ಮೃತಪಟ್ಟ ದಾರುಣ ಘಟನೆ ಉತ್ತರಪ್ರದೇಶದ ಉನ್ನಾವ್ ಜಿಲ್ಲೆಯ ಲಾಲ್‌ಮನ್ ಖೇದ ಗ್ರಾಮದಲ್ಲಿ ನಡೆದಿದೆ. ನಿನ್ನೆ ಸಂಜೆ ವೇಳೆ ಮನೆಯೊಳಗೆ ಮಕ್ಕಳು ಆಟವಾಡುತ್ತಿದ್ದಂತೆ ಈ ಘಟನೆ ನಡೆದಿದೆ. ಮನೆಯ ಹಿರಿಯರು ಕೆಲಸಕ್ಕಾಗಿ ತೆರಳಿದ್ದರು. ಈ ವೇಳೆ ಆಟವಾಡುತ್ತಿದ್ದ ಮಕ್ಕಳು ತಿಳಿಯದೆ ಫ್ಯಾನ್‌ನ ವಯರ್‌ನ್ನು ಸ್ಪರ್ಶಿಸಿದ್ದಾರೆ. ಅದ್ದರಿಂದ ವಿದ್ಯುತ್ ಹರಿದು ದುರ್ಘಟನೆ ಸಂಭವಿಸಿದೆ ಎನ್ನಲಾಗುತ್ತಿದೆ. ಮೃತಪಟ್ಟ ಮಕ್ಕಳು ೧೦ಕ್ಕಿಂತ ಕೆಳ ಪ್ರಾಯದವರಾಗಿದ್ದಾರೆ.
