ಅತ್ತೆಯ ಸ್ನಾನದ ದೃಶ್ಯಗಳನ್ನು ಚಿತ್ರೀಕರಿಸಿದ ಅಳಿಯ: ಆರೋಪಿ ಕಸ್ಟಡಿಯಲ್ಲಿ
ಕಾಸರಗೋಡು: ಯುವಕನೋರ್ವ ತನ್ನ ಪತ್ನಿಯ ತಾಯಿ ಸ್ನಾನ ಮಾಡುವ ದೃಶ್ಯವನ್ನು ಮೊಬೈಲ್ ಫೋನ್‌ನಲ್ಲಿ ಸೆರೆಹಿಡಿದು ಆಕೆಗೆ ಕಳುಹಿಸಿಕೊಟ್ಟ ವಿಚಿತ್ರ ಘಟನೆ ವರದಿಯಾಗಿದೆ. ಆ ಬಗ್ಗೆ ಲಭಿಸಿದ ದೂರಿನಂತೆ ಯುವಕನ ವಿರುದ್ಧ ಪೊಲೀಸರು ಕೇಸು ದಾಖಲಿಸಿಕೊಂ ಡಿದ್ದಾರೆ. ೪೦ರ ಹರೆಯದ ಗೃಹಿಣಿ ಈ ಬಗ್ಗೆ ರಾಜಪುರಂ ಪೊಲೀಸರಿಗೆ ದೂರು ನೀಡಿದ್ದು ಇದರಂತೆ ಮಹಿಳೆಯರನ್ನು ಅವಮಾನಿಸುವ ರೀತಿಯಲ್ಲಿ ವರ್ತಿಸಿದ ಆರೋಪದಂತೆ ಕೇಸು ದಾಖಲಿಸಲಾಗಿದೆ.ಕೆಲವು ದಿನಗಳ ಹಿಂದೆಯಷ್ಟೇ ಪ್ರಕರಣಕ್ಕೆ ಕಾರಣವಾದ ಘಟನೆ ನಡೆದಿದೆ. ಅಂದು ಯುವಕ ಪತ್ನಿಯ ಮನೆಗೆ ಬಂದಿದ್ದು, ಈ ವೇಳೆ ಅತ್ತೆ ಸ್ನಾನ ಮಾಡುತ್ತಿದ್ದರನ್ನಲಾಗಿದೆ.
ಅತ್ತೆಗೆ ತಿಳಿಯದಂತೆ ಅಳಿಯ ಮೊಬೈಲ್ ಫೋನ್‌ನಲ್ಲಿ ಸ್ನಾನದ ದೃಶ್ಯಗಳನ್ನು ಚಿತ್ರೀಕರಿಸಿದ್ದಾನೆ. ಅನಂತರ ಚಿತ್ರಗಳನ್ನು ಯುವಕ ಅತ್ತೆಯ ಮೊಬೈಲ್‌ಗೆ ಕಳುಹಿಸಿ ಕೊಟ್ಟಿದ್ದು, ಆ ವೇಳೆಯೇ ಘಟನೆ ಆಕೆಯ ಗಮನಕ್ಕೆ ಬಂದಿದೆಯೆಂದು ತಿಳಿಸಲಾಗಿದೆ. ತಕ್ಷಣ ಪೊಲೀಸ್ ಠಾಣೆಗೆ ತೆರಳಿ ಗೃಹಿಣಿ ದೂರು ನೀಡಿದ್ದಾರೆ. ಆರೋಪಿ ಪೊಲೀಸರ ಕಸ್ಟಡಿಯಲ್ಲಿದ್ದಾನೆಂಬ ಸೂಚನೆಯಿದೆ.
