ಐದು ದಿನಗಳ ಹಿಂದೆ ನಾಪತ್ತೆಯಾಗಿದ್ದ ಯುವಕನ ಮೃತದೇಹ ಹೊಳೆಯಲ್ಲಿ ಪತ್ತೆ
ತಲಪಾಡಿ: ಐದು ದಿನಗಳ ಹಿಂದೆ ನಾಪತ್ತೆಯಾಗಿದ್ದ ಯುವಕನ ಮೃತ ದೇಹ ಹೊಳೆಯಲ್ಲಿ ಪತ್ತೆಯಾಗಿದೆ.
ಉಳ್ಳಾಲ ಸೋಮೇಶ್ವರ ನಿವಾಸಿ ಎಂ. ಗೌತಂ (೩೦) ಎಂಬವರ ಮೃತದೇಹ ನೇತ್ರಾವತಿ ಹೊಳೆಯ ತೊಕ್ಕೋಟು ಭಾಗದಲ್ಲಿ ಪತ್ತೆಯಾಗಿ ದೆ. ಗೌತಂ ಈ ತಿಂಗಳ ೧೯ರಿಂದ ನಾಪತ್ತೆಯಾಗಿದ್ದಾರೆನ್ನಲಾಗಿದೆ. ಇವರು ಖಾಸಗಿ ಹಣಕಾಸು ಸಂಸ್ಥೆಯಲ್ಲಿ ಕೆಲಸ ನಿರ್ವಹಿಸುತ್ತಿ ದ್ದರು. ಸೋಮವಾರ ಸಂಜೆ ತೊಕ್ಕೋಟು ಸಮೀಪ ದೈವಕ್ಷೇತ್ರ ದಲ್ಲಿ ನಡೆದ ಕಾರಯಕ್ರಮದಲ್ಲಿ ಭಾಗವಹಿಸಿದ್ದ ಗೌತಂ ರಾತ್ರಿ ತಡವಾಗಿ ಮನೆಗೆ ಮರಳಿದ್ದರೆನ್ನ ಲಾಗಿದೆ. ಅನಂತರ ಅವರು ನಾಪತ್ತೆ ಯಾಗಿರುವುದಾಗಿ ಹೇಳಲಾಗುತ್ತಿದೆ. ಈ ಬಗ್ಗೆ ಸಂಬಂಧಿಕರು ಉಳ್ಳಾಲ ಪೊಲೀಸರಿಗೆ ದೂರು ನೀಡಿದ್ದರು. ಪೊಲೀಸರು ಹಾಗೂ ಸಂಬಂಧಿಕರು ಶೋಧ ನಡೆಸುತ್ತಿದ್ದ ವೇಳೆ ಮೃತದೇಹ ಹೊಳೆಯಲ್ಲಿ ಕಂಡುಬಂದಿದೆ.
