ನಗರದ ವಿವಿಧೆಡೆ ರಸ್ತೆಯಲ್ಲಿ ಹೊಂಡಗಳು: ದುರಸ್ತಿಗೆ ಕ್ರಮವಿಲ್ಲ; ವಾಹನ ಸಂಚಾರಕ್ಕೆ ಸಮಸ್ಯೆ
ಕಾಸರಗೋಡು: ಕಾಸರಗೋಡು ನಗರ ವಿವಿಧೆಡೆಗಳಲ್ಲಿ ರಸ್ತೆ ಕಿತ್ತು ಹೋಗಿ ಹೊಂಡಗಳು ಸೃಷ್ಟಿಯಾಗಿದ್ದು, ವಾಹನ ಸಂಚಾರಕ್ಕೆ ಸಮಸ್ಯೆ ಎದುರಾಗಿದೆ. ಕಳೆದ ಹಲವು ತಿಂಗ ಳುಗಳಿಂದ ಇದೇ ಸ್ಥಿತಿ ಎದುರಾಗಿದ್ದರೂ ಸಂಬಂಧಪಟ್ಟ ಅಧಿಕಾರಿಗಳು ದುರಸ್ತಿಗೆ ಯಾವುದೇ ಕ್ರಮ ಕೈಗೊಂಡಿಲ್ಲವೆಂಬ ಆರೋಪವೂ ಕೇಳಿಬಂದಿದೆ.
ನಗರಸಭೆ ವ್ಯಾಪ್ತಿಯ ಕೆಪಿಆರ್ ರಾವ್ ರೋಡ್, ಕರಂದಕ್ಕಾಡ್, ಹಳೆ ಬಸ್ ನಿಲ್ದಾಣದಲ್ಲಿ ಪ್ರಧಾನ ಅಂಚೆ ಕಚೇರಿ ಸಮೀಪ ಹಾಗೂ ಮಧೂರು ಪಂಚಾಯತ್ ವ್ಯಾಪ್ತಿಗೊಳಪಟ್ಟ ಸೂರ್ಲು ಸಹಿತ ವಿವಿಧ ಕಡೆಗಳಲ್ಲಿ ಹೊಂಡಗಳು ಸೃಷ್ಟಿಯಾಗಿದೆ.
ಕಳೆದ ಮಳೆಗಾಲಕ್ಕೆ ಮೊದಲೇ ರಸ್ತೆಯಲ್ಲಿ ಹೊಂಡಗಳು ಸೃಷ್ಟಿಯಾ ಗಿತ್ತು. ಮಳೆಗಾಲದಲ್ಲಿ ದುರಸ್ತಿ ಅಸಾಧ್ಯವೆಂಬ ಕಾರಣದಿಂದ ಎಲ್ಲರೂ ಸುಮ್ಮನಾದರು. ಆದರೆ ಮಳೆಗಾಲ ಮುಗಿದು ಬೇಸಿಗೆ ಬಂದರೂ ರಸ್ತೆಯ ಹೊಂಡಗಳು ಅಲ್ಲಲ್ಲಿ ಹಾಗೆಯೇ ಉಳಿದುಕೊಂ ಡಿವೆ. ಪ್ರಧಾನ ಅಂಚೆ ಕಚೇರಿ ಬಳಿ ರಸ್ತೆ ಹೊಂಡವಾಗಿ ಅಡಿಭಾಗದಲ್ಲಿ ರುವ ನೀರಿನ ಪೈಪ್ ಗೋಚರಿಸ ತೊಡಗಿದೆ. ಅದರ ಮೇಲೆಯೇ ವಾಹನಗಳು ಸಂಚರಿಸುತ್ತಿರುವುದು ಕಂಡುಬರುತ್ತಿದೆ. ಸೂರ್ಲಿನಲ್ಲಿ ಸುಮಾರು ೨೦೦ ಮೀಟರ್ ವ್ಯಾಪ್ತಿಯಲ್ಲಿ ಐದಕ್ಕೂ ಹೆಚ್ಚು ಹೊಂಡಗಳಿವೆ. ವೇಗದಲ್ಲಿ ತಲುಪುವ ವಾಹನಗಳು ದಿಢೀರನೆ ಹೊಂಡಕ್ಕೆ ಬೀಳುತ್ತಿರುವುದು ನಿತ್ಯ ಕಂಡುಬರುತ್ತಿದೆ. ಹೊಂಡಗಳು ಸೃಷ್ಟಿಯಾದ ಭಾಗದಲ್ಲಿ ವಾಹನಗಳು ಒಂದೇ ಭಾಗದಲ್ಲಿ ಸಂಚರಿಸುತ್ತಿದ್ದು, ಇದರಿಂದ ಅಪಘಾತಗಳಿಗೂ ಎಡೆಮಾಡುತ್ತಿದೆಯೆಂದು ಸ್ಥಳೀಯರು ತಿಳಿಸುತ್ತಿದ್ದಾರೆ.
