ಕಾಸರಗೋಡು: ಮನೆಗೆ ಅತಿಕ್ರಮಿಸಿ ನುಗ್ಗಿ 20ರ ಹರೆಯದ ವಿವಾಹಿತ ಯುವತಿಗೆ ದೌರ್ಜನ್ಯಗೈದ ಆರೋಪದಂತೆ ಯುವಕನ ವಿರುದ್ಧ ಹೊಸದುರ್ಗ ಪೊಲೀಸರು ಕೇಸು ದಾಖಲಿಸಿಕೊಂಡಿದ್ದಾರೆ. ಪಡನ್ನಕ್ಕಾಡ್ ಅನಂತನ್‌ಪಳ್ಳದ ಅಭಿಲಾಶ್ (25) ಎಂಬಾತನ ವಿರುದ್ಧ ಕೇಸು ದಾಖಲಿಸಲಾಗಿದೆ. ಕಳೆದ ಮೇ 17ರಂದು ಬೆಳಿಗ್ಗೆ 10 ಗಂಟೆಗೆ ಪ್ರಕರಣಕ್ಕೆ ಕಾರಣವಾದ ಘಟನೆ ನಡೆದಿದೆ. ಯುವತಿ ಮಾತ್ರವೇ ಮನೆಯಲ್ಲಿದ್ದ ವೇಳೆ ಅಲ್ಲಿಗೆ ಅತಿಕ್ರಮಿಸಿ ನುಗ್ಗಿದ ಆರೋಪಿ ದೌರ್ಜನ್ಯಗೈದುದಾಗಿ ದೂರಲಾಗಿದೆ.