ಯುವಕನ ಅಪಹರಣ: ಕಾರು ವಶ
ಕಾಸರಗೋಡು: ಗಲ್ಫ್‌ನಿಂದ ಕಳುಹಿಸಿಕೊಟ್ಟ ಚಿನ್ನದ ಹೆಸರಲ್ಲಿ ಯುವಕನನ್ನು ತಂಡ ಅಪಹರಿಸಿದ ಪ್ರಕರಣದಲ್ಲಿ ತನಿಖೆ ಮುಂದು ವರಿಸಿದ ಪೊಲೀಸರು ಸ್ವಿಫ್ಟ್ ಕಾರೊಂದನ್ನು ಪತ್ತೆಹಚ್ಚಿ ವಶ ಪಡಿಸಿಕೊಂಡಿದ್ದಾರೆ. ಮೀಪುಗುರಿ ಗಲ್ಫ್ ಕ್ವಾರ್ಟರ್ಸ್‌ನಲ್ಲಿ ವಾಸಿಸುವ ಅಹಮ್ಮದ್ ಜಾಬಿರ್ (೩೬)ರನ್ನು ಅಪಹರಿಸಿದ ಪ್ರಕರಣದಲ್ಲಿ ಕಾರನ್ನು ವಶಪಡಿಸಲಾಗಿದೆ.
ಮೊನ್ನೆ ರಾತ್ರಿ ೧೨ ಗಂಟೆ ವೇಳೆ ತಂಡವೊಂದು ತಲುಪಿ ಅಹಮ್ಮದ್ ಜಾಬಿರ್‌ರನ್ನು ಅಪಹ ರಿಸಿರುವುದಾಗಿ ದೂರಲಾಗಿದೆ. ಈ ಬಗ್ಗೆ ದೂರು ಲಭಿಸಿದ ಪೊಲೀ ಸರು ಕಾರ್ಯಾಚರಣೆ ನಡೆಸಿ ಗಂಟೆಗಳೊಳಗೆ ಅಣಂಗೂರು ನಿವಾಸಿಗಳಾದ ಅಸರುದ್ದೀನ್ (೨೬), ಖಾದರ್ (೨೫) ಎಂಬಿವರನ್ನು ಬಂಧಿಸಿದ್ದರು. ಬಳಿಕ ನಡೆಸಿದ ತನಿಖೆಯಲ್ಲಿ ಕಾರನ್ನು ವಶಪಡಿಸಲಾಗಿದೆ. ಈ ಪ್ರಕರಣದಲ್ಲಿ ಇನ್ನೂ ಹಲವರು ಶಾಮೀಲಾಗಿದ್ದಾರೆಂದು ಹೇಳಲಾಗುತ್ತಿದೆ.
