ರಸ್ತೆ ಡಾಮರೀಕರಣ ವೇಳೆ ಕಾರ್ಮಿಕ ಕುಸಿದು ಬಿದ್ದು ಮೃತ್ಯು

ಕಾಸರಗೋಡು: ರಸ್ತೆ ಡಾಮರೀಕರಣ ಕೆಲಸ ಮಧ್ಯೆ ಕಾರ್ಮಿಕನೋರ್ವ ಕುಸಿದು ಬಿದ್ದು ಮೃತಪಟ್ಟ ಘಟನೆ ಮೀಂಜ ಬಳಿ ನಡೆದಿದೆ. ಕಾಸರಗೋಡು ವಿದ್ಯಾನಗರ ನೆಲ್ಕಳ ಎಸ್.ಸಿ ಕಾಲನಿಯ ರಾಜನ್ ಎಂಬವರ ಪುತ್ರ ಶಾಜು (೩೬) ಎಂಬವರು ಮೃತಪಟ್ಟ ದುರ್ದೈವಿ ಯಾಗಿದ್ದಾರೆ. ಮೀಂಜ ಪಂಚಾಯತ್ ವ್ಯಾಪ್ತಿಯ ಮೂಡಂಬೈಲು ನಾಟೆ ಕಲ್ಲಿನಲ್ಲಿ ನಿನ್ನೆ ರಸ್ತೆ ಡಾಮರೀಕರಣ ಕೆಲಸ ನಡೆದಿದೆ. ಕೆಲಸ ನಡೆಯುತ್ತಿದ್ದಂತೆ ಸಂಜೆ ೪.೩೦ರ ವೇಳೆ ಶಾಜು ಕುಸಿದು ಬಿದ್ದಿದ್ದಾರೆನ್ನಲಾಗಿದೆ. ಕೂಡಲೇ ಅವರನ್ನು ಉಪ್ಪಳದ ಆಸ್ಪತ್ರೆಗೆ ತಲುಪಿಸಿದರೂ ಜೀವ ರಕ್ಷಿಸಲು ಸಾಧ್ಯವಾಗಲಿಲ್ಲ. ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗಾಗಿ ಮಂಗಲ್ಪಾಡಿ ಸರಕಾರಿ ಆಸ್ಪತ್ರೆಗೆ ತಲುಪಿಸಲಾಗಿದೆ.  ಮೃತರು ತಾಯಿ ಸರಳ, ಸಹೋದರ ಸಹೋದರಿಯರಾದ ಸಾಬು, ಹರೀಶ್, ಅನಿಲ್, ಸೌಮ್ಯ, ಲತ ಹಾಗೂ ಅಪಾರ ಬಂಧು-ಮಿತ್ರರನ್ನು ಅಗಲಿದ್ದಾರೆ. ಇನ್ನೋರ್ವ ಸಹೋದರ ಸತೀಶ್ ಎಂಬವರು ಈ ಹಿಂದೆ ನಿಧನ ಹೊಂದಿದ್ದಾರೆ.