ರೈಲಿನಲ್ಲಿ ಅನುಚಿತವಾಗಿ ವರ್ತಿಸಿದ ವ್ಯಕ್ತಿಯನ್ನು ಪೊಲೀಸರಿಗೆ ಹಿಡಿದೊಪ್ಪಿಸಿದ ಯುವತಿ

ಕಾಸರಗೋಡು: ರೈಲಿನಲ್ಲಿ ಅನುಚಿತವಾದ ರೀತಿಯಲ್ಲಿ ವರ್ತಿಸಿದ ವ್ಯಕ್ತಿಯನ್ನು ಯುವತಿ ಹಿಡಿದು ಪೊಲೀಸರಿಗೆ ಒಪ್ಪಿಸಿದ ಘಟನೆ ನಡೆದಿದೆ.

ತಿರುವನಂತಪುರ-ಮಂಗಳೂರು ಮಲಬಾರ್ ಎಕ್ಸ್‌ಪ್ರೆಸ್ ರೈಲುಗಾಡಿ ಯಲ್ಲಿ ಈ ಬೆಳವಣಿಗೆ ನಡೆದಿದೆ. ಕೆಲಸದ ನಿಮಿತ್ತ ರೈಲಿನಲ್ಲಿ ನೀಲೇಶ್ವರಕ್ಕೆ ಬರುತ್ತಿದ್ದ ಯುವತಿ ನೀಲೇಶ್ವರದಲ್ಲಿ ಇಳಿಯುತ್ತಿದ್ದ ವೇಳೆ ರೈಲಿನ ಬಾಗಿಲಿನಲ್ಲಿ ಕಣ್ಣೂರು ಚೊವ್ವಾ ನಿವಾಸಿಯಾಗಿರುವ ವ್ಯಕ್ತಿ ಜ್ಯೋತಿಷ್ ಎಂಬಾತ ಆಕೆಯೊಂದಿಗೆ ಅನುಚಿತ ವಾಗಿ ವರ್ತಿಸಿದನೆಂದು ಆರೋಪಿಸ ಲಾಗಿದೆ.  ನಂತರ ಆ ವ್ಯಕ್ತಿಯನ್ನು ಯುವತಿ ಹಿಂಬಾಲಿಸಿ ಆತನನ್ನು ಹಿಡಿದು ನೀಲೇಶ್ವರ ಪೊಲೀಸರಿಗೆ  ಒಪ್ಪಿಸಿದ್ದಾಳೆ. ನಂತರ ಆತನನ್ನು ಕಾಸರಗೋಡು ರೈಲ್ವೇ ಪೊಲೀಸರಿಗೆ ಹಸ್ತಾಂತರಿಸಲಾಗಿದೆ. ಈ ಬಗ್ಗೆ ರೈಲ್ವೇ ಪೊಲೀಸರು ಪ್ರಕರಣ ದಾಖಲಿಸಿ ಕೊಂಡಿದ್ದಾರೆ.