ಕಾಸರಗೋಡು: ರೈಲಿನಲ್ಲಿ ಸಿಕ್ಕಿದ ಚಿನ್ನದ ಸರವನ್ನು ಬ್ಲೋಕ್ ಪಂಚಾಯತ್ ಸಿಬ್ಬಂದಿ ಅದರ ವಾರೀಸುದಾರ ಳಾದ ಮಹಿಳೆಗೆ ಹಸ್ತಾಂತರಿಸಿ ಎಲ್ಲರಿಗೂ ಮಾದರಿಯಾಗಿ ದ್ದಾರೆ. ಕಾರಡ್ಕ ಬ್ಲೋಕ್ ಪಂಚಾಯತ್ ಕಚೇರಿ ಸಿಬ್ಬಂದಿ ಪಾಪಿನ್‌ಶ್ಶೇರಿ ನಿವಾಸಿ ಪಿ. ಶಾನವಾಸ್ ಈ ರೀತಿ ಮಾದರಿಯಾದ ವ್ಯಕ್ತಿ. ಮಂಜೇಶ್ವರ ಎಇಒ ಕಚೇರಿಯ ಸಿಬ್ಬಂದಿ ಚೆರುವತ್ತೂರಿನ ಪ್ರೀತ ಎಂಬಿವರು ಕಳೆದ ಶುಕ್ರವಾರದಂದು ರೈಲಿನಲ್ಲಿ ಪ್ರಯಾಣಿಸುತ್ತಿದ್ದ ವೇಳೆ ಅವರ ಕುತ್ತಿಗೆಯಲ್ಲಿದ್ದ ಚಿನ್ನದ ಸರ ನಷ್ಟಗೊಂಡಿತ್ತು. ಆ ಬಗ್ಗೆ ಅವರು ರೈಲ್ವೇ ಪೊಲೀಸರಿಗೆ ದೂರು ನೀಡಿದ್ದರು. ನಷ್ಟಗೊಂಡ ಈ ಸರ ಶಾನವಾಸ್‌ರಿಗೆ ಸಿಕ್ಕಿದ್ದು, ಅದನ್ನು ಅವರು ಕಾಸರಗೋಡು ರೈಲ್ವೇ ಪೊಲೀಸ್ ಠಾಣೆಗೆ ಬಂದು ಪೊಲೀಸರಿಗೆ ಹಸ್ತಾಂತರಿಸಿದ್ದಾರೆ. ನಂತರ ರೈಲ್ವೇ ಠಾಣೆಯ ಎಸ್‌ಐ ಎಂ.ವಿ. ಪ್ರಕಾಶನ್ ಮತ್ತು ಸಿಪಿಒ ಪಿ. ಅಜೆಯನ್‌ರ ಸಾನ್ನಿಧ್ಯದಲ್ಲಿ ಶಾನವಾಸ್ ಅವರು ಪ್ರೀತಾರಿಗೆ ಸರ ಹಸ್ತಾಂತರಿಸಿದರು.