ಬೆಳ್ಳೂರು: ನೆಟ್ಟಣಿಗೆ  ಕ್ಷೇತ್ರಕ್ಕೆ ಸಂಬಂಧಪಟ್ಟ ಜಾಂಬ್ರಿ ಗುಹಾ ಪ್ರದೇಶ ಒಳಗೊಂಡ ಬಂಟಾಜೆ ರಕ್ಷಿತಾರಣ್ಯದ ಚೆಂಡೆತ್ತಡ್ಕ ಬಯಲಿನಲ್ಲಿ ಅತ್ಯಪೂರ್ವವಾಗಿ ಜಿಂಕೆ ಜೋಡಿ ಪತ್ತೆಯಾಗಿದೆ. ಹವ್ಯಾಸಿ ಛಾಯಾಗ್ರಾಹಕ ಪ್ರಶಾಂತ್ ಪಾಣಾಜೆ ಇದನ್ನು ಸೆರೆ ಹಿಡಿದಿದ್ದಾರೆ. ಚೆಂಡೆತ್ತಡ್ಕ ಬಯಲಿನಲ್ಲಿ ಕಾಡು ಕೋಣ, ಹಂದಿ, ಮುಳ್ಳುಹಂದಿ, ಮರಬೆಕ್ಕು, ಕಾಡುಬೆಕ್ಕು, ಮಂಗ, ಮುಜು, ಅಳಿಲು, ಚಣಿಲು, ನವಿಲು ಮಾಮೂಲಾಗಿ ಕಂಡುಬರುತ್ತಿದ್ದರೂ ಜಿಂಕೆ, ಕಡವೆ, ನರಿ ಅಪೂರ್ವವಾಗಿ ಕಂಡು ಬರುತ್ತಿದೆ. ಆದರೆ ಈಗ ಅಪೂರ್ವವಾಗಿ ಹರಿಣಿ- ಸಾರಂಗ ಜೋಡಿ ಪತ್ತೆಯಾಗಿದೆ.