ಕಾಸರಗೋಡು:  ಕರ್ನಾಟಕದ ಚಿಕ್ಕಬಳ್ಳಾಪುರದಲ್ಲಿ ಸಂಭವಿಸಿದ ವಾಹನ ಅಪಘಾತದಲ್ಲಿ ಮಧೂರು ಬಳಿಯ ನಿವಾಸಿ ಯುವತಿ ಮೃತಪಟ್ಟಿದ್ದಾರ. ಮಧೂರು ಬಳಿಯ ಪಟ್ಲ ನಿವಾಸಿ ಸಫಿಯುಲ್ಲ ಎಂಬವರ ಪತ್ನಿ ಫಾತಿಮ ಬೀಗಂ (32) ಮೃತಪಟ್ಟ ದುರ್ದೈವಿಯಾಗಿದ್ದಾರೆ.  ಮಂಗಳವಾರ ಸಂಜೆ  ಫಾತಿಮ ಬೀಗಂ  ಪ್ರಯಾಣಿಸುತ್ತಿದ್ದ ಆಟೋ ರಿಕ್ಷಾಕ್ಕೆ ಕಾರು ಢಿಕ್ಕಿ ಹೊಡೆದು ಅಪಘಾತ ಸಂಭವಿಸಿದೆ.  ಇದರಿಂದ ಗಂಭೀರ ಗಾಯಗೊಂಡ ಫಾತಿಮಾ ಬೀಗಂ ತಕ್ಷಣ ಮೃತಪಟ್ಟಿದ್ದಾರೆ.  ಎಂ.ಜಿ. ಅಬ್ದುಲ್ಲ-ಖದೀಜ ದಂಪತಿಯ ಪುತ್ರಿಯಾದ ಮೃತರು ಮಕ್ಕಳಾದ ಹುಸೈನ್, ಇಫ್ರತ್, ಅನ್ಸಿಯಾಭಾನು, ಸಹೋದರ-ಸಹೋದರಿಯರಾದ ಹನೀಫ,ಮುಸ್ತಫ, ಉದೈಫ್, ಬಾತಿಷ, ಹಾಜಿರ, ಖೈರುನ್ನೀಸ, ರಂಸೀನ, ಫಾರಿಸ, ಸೈನಬ ಹಾಗೂ ಅಪಾರ ಬಂಧು-ಮಿತ್ರರನ್ನು ಅಗಲಿದ್ದಾರೆ.