ಕಾಸರಗೋಡು: ಜ್ವರ ತಗಲಿ 7 ವರ್ಷದ ಬಾಲಕಿ ಮೃತಪಟ್ಟಳು. ಬೆದ್ರೆ ಪಿಟಿಎಂ ಎಯುಪಿ ಶಾಲೆಯ 2ನೇ ತರಗತಿ ವಿದ್ಯಾರ್ಥಿನಿ ಫಾತಿಮತ್ ಶಬಾನ (7) ಮೃತಪಟ್ಟ ಬಾಲಕಿ. ಜ್ವರ ಹಾಗೂ ತಲೆನೋವು ಹಿನ್ನೆಲೆಯಲ್ಲಿ ಎರಡು ದಿನಗಳಿಂದ ಚಿಕಿತ್ಸೆಯಲ್ಲಿದ್ದಳು. ಶುಕ್ರವಾರ ಆಸ್ಪತ್ರೆಗೆ ತಲುಪಿಸಿದರೂ ಜೀವ ಉಳಿಸಲು ಸಾಧ್ಯವಾಗಲಿಲ್ಲ. ಮಂಗಳೂರಿನಲ್ಲಿ ದಿನಸಿ ವ್ಯಾಪಾರಿ ಹಾಗೂ ಪಾಣಲಂ ನಿವಾಸಿಯಾದ ಉಮ್ಮರ್ ಹಾಗೂ ಸಿ.ಎ. ನಸೀಬ ದಂಪತಿ ಪುತ್ರಿಯಾಗಿದ್ದಾಳೆ. ಮೃತ ಬಾಲಕಿ ತಂದೆ, ತಾಯಿ, ಸಹೋದರರಾದ ಸೌಬಾನ್, ಮುಹಮ್ಮದ್ ಹಾಗೂ ಅಪಾರ ಬಂಧು-ಮಿತ್ರರನ್ನು ಅಗಲಿದ್ದಾಳೆ.