ಫಲಿತಾಂಶದ ನಂತರ ಅಣಕು ಮತದಾನಕ್ಕೆ ಅವಕಾಶ

ನವದೆಹಲಿ: ಮತದಾನ ಪ್ರಾರಂಭವಾಗುವ ಮೊದಲು ನಡೆಸಲಾಗುವ ಅಣಕು ಮತದಾನದ ಜೊತೆಗೆ ಫಲಿತಾಂಶ ಘೋಷಿಸಿದ ೪೫ ದಿನಗಳಲ್ಲಿ ಮತದಾನಯಂತ್ರ (ಇವಿಎಂ)ಗಳ ಸಮಗ್ರತೆ ಪರಿಶೀಲಿಸಲು ಭಾರತೀಯ ಚುನಾವಣಾ ಆಯೋಗವು ತನ್ನ ಸ್ಟ್ಯಾಂಡರ್ಸ್ ಆಪರೇಟಿಂಗ್ ಪ್ರೊಸೀಜರ್ (ಎಸ್‌ಒಪಿ) ಜ್ಯಾರಿಗೆ ತಂದಿದೆ. ಇದರಂತೆ ಮತದಾನದ ಬಳಿಕ ಅಣಕು ಮತದಾನಕ್ಕೆ ಅವಕಾಶ ನೀಡಲಾಗುವುದು. ಇವಿಎಂ ತಿರುಚಲ್ಪಟ್ಟಿರುವುದಾಗಿ ಕಂಡುಬಂದರೆ ಅದಕ್ಕೆ ಹೊಂದಿಕೊಂಡು ಆಯೋಗ ಸೂಕ್ತ ಕ್ರಮ ಕೈಗೊಳ್ಳಲಿದೆ.