ಹೊಸದುರ್ಗ: ಕಾಞಂಗಾಡ್ ನಗರಸಭೆಯ ಹಳೆ ಬಸ್ ನಿಲ್ದಾಣ ಶಾಪಿಂಗ್ ಕಾಂಪ್ಲೆಕ್ಸ್‌ನಲ್ಲಿ ಬಿರುಕು ಕಂಡು ಬಂದಿದೆ. ಈ ಹಿನ್ನೆಲೆಯಲ್ಲಿ  ಬಸ್ ನಿಲ್ದಾಣಕ್ಕಿರುವ ಪ್ರವೇಶ ಕವಾಟವನ್ನು ಪೊಲೀಸರು ಮುಚ್ಚಿದರು. ಬಸ್ ನಿಲ್ದಾಣದ, ಶಾಪಿಂಗ್ ಕಾಂಪ್ಲೆಕ್ಸ್ ಪರಿಸರದಲ್ಲಿ ಜನರು ನಿಲ್ಲಬಾರದೆಂದು ಸೂಚನೆ ನೀಡಿದ್ದಾರೆ. ಇಂದು ಬೆಳಿಗ್ಗೆ ಬಸ್ ನಿಲ್ದಾಣದ ಪ್ರವೇಶ ಕವಾಟದ ಬಳಿ ಬಿರುಕು ಮೂಡಿರುವುದು ಕಂಡು ಬಂದಿದೆ. ಇದನ್ನು ಕೂಡಲೇ ಪೊಲೀಸರಿಗೆ ತಿಳಿಸಲಾಗಿದ್ದು, ಅವರು ಬಂದು ಪ್ರವೇಶದ್ವಾರದಲ್ಲಿ ಸಂಚಾರ ನಿಷೇಧಿಸಿದ್ದಾರೆ.