ಕ್ಷೇತ್ರದಲ್ಲಿ ಆನೆಯ ತುಳಿತಕ್ಕೆ ಸಿಲುಕಿ ಮಾವುತ ಸಹಿತ ಇಬ್ಬರ ಸಾವು

ತಿರುವನಂತಪುರ: ಇಲ್ಲಿನ ತಿರು ಚ್ಚೆಂದೂರು ಕ್ಷೇತ್ರದಲ್ಲಿ ಆನೆಯ ದಾಳಿಯಿಂದ ಇಬ್ಬರು ಸಾವಿಗೀಡಾದ ಘಟನೆ ನಡೆದಿದೆ. ತಿರುಚ್ಚೆಂದೂರು ನಿವಾಸಿಯೂ ಆನೆಯ ಮಾವುತ ನಾದ ಉದಯ ಕುಮಾರ್ (45), ಪಾರಶ್ಶಾಲೆ ನಿವಾಸಿ ಶಿಶುಪಾಲನ್ (55) ಎಂಬವರು ಮೃತಪಟ್ಟ ದುರ್ದೈವಿಗಳಾಗಿದ್ದಾರೆ. ತಿರುಚ್ಚೆಂ ದೂರು ಶ್ರೀ ಸುಬ್ರಹ್ಮಣ್ಯ ಸ್ವಾಮಿ ಕ್ಷೇತ್ರದಲ್ಲಿ ನಿನ್ನೆ ಸಂಜೆ ಈ ಘಟನೆ ನಡೆದಿದೆ.

ಉದಯ ಕುಮಾರ್ ಹಾಗೂ ಸಂಬಂಧಿಕ ಶಿಶುಪಾಲನ್ ಆನೆಗೆ ಹಣ್ಣುಗಳನ್ನು ನೀಡುತ್ತಿದ್ದಾಗ ಆನೆಗೆ ಮದವೇರಿತ್ತು. ಮೊದಲು ಶಿಶು ಪಾಲನ್‌ರನ್ನು ತುಳಿದು ಆನೆ ಕೊಲೆಗೈದಿದೆ. ಕೂಡಲೇ ಉದಯ ಕುಮಾರ್ ಆನೆಯನ್ನು ಸಮಾಧಾ ನಪಡಿಸಲು ಯತ್ನಿಸಿದರೂ ಪ್ರಯೋಜನವಾಗಲಿಲ್ಲ. ಅವರ ಮೇಲೂ ಆನೆ ದಾಳಿ ನಡೆಸಿ ಕೊಲೆ ಗೈದಿದೆ. ದೈವನೈ ಎಂಬ ಹೆಸರಿನ ಈ ಆನೆ ಹಲವು ವರ್ಷಗಳಿಂದ ಕ್ಷೇತ್ರದಲ್ಲಿದೆ.  ಜಾತ್ರೆ ಸಂದರ್ಭದಲ್ಲಿ ಚಿನ್ನಾಭರಣ ತೊಡಿಸಿ  ಮೆರವಣಿ ಗೆಯೂ ನಡೆಸಲಾಗುತ್ತಿದೆ. ಆದರೆ ಆನೆಗೆ ಇಷ್ಟು ಹೆಚ್ಚಿಗೆ ಮದವೇರಿ ದಾಳಿ ನಡೆಸಿರುವುದು ಇದೇ ಮೊದಲೆಂದು ಹೇಳಲಾಗುತ್ತಿದೆ.