ತಲಪಾಡಿ ಆರ್‌ಟಿಒ ಚೆಕ್‌ಪೋಸ್ಟ್‌ನಿಂದ ಜನರೇಟರ್ ಕಳವು
ಮಂಜೇಶ್ವರ: ತಲಪಾಡಿ ಆರ್‌ಟಿಒ ಚೆಕ್‌ಪೋಸ್ಟ್‌ನಲ್ಲಿದ್ದ ಎರಡು ಜನರೇಟರ್‌ಗಳನ್ನು ಕಳವುಗೈಯ್ಯಲಾಗಿದೆ. ಚೆಕ್‌ಪೋಸ್ಟ್‌ನ ಹಿಂಭಾಗದಲ್ಲಿಟ್ಟಿದ್ದ ಎರಡು ಜನರೇಟರ್‌ಗಳು ಕಳವುಹೋದ ಬಗ್ಗೆ ಇಲ್ಲಿನ ಅಧಿಕಾರಿ ಅಭಿಲಾಷ್ ಮಂಜೇಶ್ವರ ಪೊಲೀಸರಿಗೆ ದೂರು ನೀಡಿದ್ದಾರೆ. ಈ ತಿಂಗಳ ೧ರಂದು ಸಂಜೆಯಿಂದ ನಿನ್ನೆ ಬೆಳಿಗ್ಗೆ 9 ಗಂಟೆ ಮಧ್ಯೆ ಕಳವು ನಡೆದಿರಬೇಕೆಂದು ಶಂಕಿಸ ಲಾಗಿದ್ದು, 80,000 ರೂ. ನಷ್ಟ ಅಂದಾಜಿಸಲಾಗಿದೆ. ಪರಿಸರದ ಸಿಸಿ ಟಿವಿಯನ್ನು ಕೇಂದ್ರೀಕರಿಸಿ ಮಂಜೇಶ್ವರ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.