ಬೈಕ್‌ನಲ್ಲಿ ಸಂಚರಿಸುತ್ತಿದ್ದಾಗ ಕುಸಿದು ಬಿದ್ದು ಮೃತ್ಯು
ವರ್ಕಾಡಿ: ಕೋಳಿಯೂರು ಪದವಿನ ಮೊಯ್ದೀನ್ ಕುಂಞಿ ಹಾಜಿ (೬೯) ಹೃದಯಾಘಾತವುಂ ಟಾಗಿ ಬೈಕ್‌ನಿಂದ ಬಿದ್ದು ಮೃತಪಟ್ಟರು. ಸುಂಕದಕಟ್ಟೆಯಲ್ಲಿ ನಿನ್ನೆ ಈ ಘಟನೆ ನಡೆದಿದೆ. ಪ್ರಯಾಣ ವೇಳೆ ಎದೆ ನೋವು ಕಾಣಿಸಿಕೊಂಡಿತ್ತೆನ್ನಲಾಗಿದೆ. ಇದರಿಂದ ಬೈಕ್ ನಿಲ್ಲಿಸಲು ಪ್ರಯತ್ನಿಸುತ್ತಿದ್ದಂತೆ ಕುಸಿದು ಬಿದ್ದಿದ್ದಾರೆ. ಕೂಡಲೇ ನಾಗರಿಕರು ಆಸ್ಪತ್ರೆಗೆ ತಲುಪಿಸಿದರೂ ಜೀವ ರಕ್ಷಿಸಲಾಗಲಿಲ್ಲ. ಮೃತರು ಪತ್ನಿ ಉಮ್ಮು ಕುಲ್ಸು, ಮಕ್ಕಳಾದ ಮಹಮ್ಮದ್ ಅಶ್ರಫ್, ಬಕ್ಸಾಲ್, ಖದೀಜತ್ ಕುಬ್ರ, ಮುಹಮ್ಮದ್ ರಾಫಿ, ಅಳಿಯ-ಸೊಸೆಯಂದಿರಾದ ನಬೀಸ, ತಬ್ಸೀರ, ಕೌಸರ್, ಇಕ್ಭಾಲ್, ಸಹೋದರ-ಸಹೋದರಿ ಯರಾದ ಅಹಮ್ಮದ್, ನಫೀಸ, ಉಮ್ಮರ್ ಹಾಗೂ ಅಪಾರ ಬಂಧು-ಮಿತ್ರರನ್ನು ಅಗಲಿದ್ದಾರೆ.
