ಕನ್ನೆಪ್ಪಾಡಿ: ಬೈಕ್ ಹಾಗೂ ಪಿಕಪ್ ವ್ಯಾನ್ ಮುಖಾಮುಖಿಯಾಗಿ ಇಬ್ಬರು ಗಾಯಗೊಂಡಿದ್ದಾರೆ. ಬಾಂಜತ್ತಡ್ಕ ನಿವಾಸಿ ಅಭಿಷೇಕ್ (24), ಮೊಗ್ರಾಲ್ ನಿವಾಸಿ ರಾಹುಲ್ (23) ಗಾಯಗೊಂಡಿದ್ದು, ನಿನ್ನೆ ಸಂಜೆ ಕುಂಬಳೆ- ಬದಿಯಡ್ಕ ರಸ್ತೆಯ ಕನ್ನೆಪ್ಪಾಡಿಯಲ್ಲಿ ಅಪಘಾತ ಸಂಭವಿಸಿದೆ. ಬದಿಯಡ್ಕ ಭಾಗದಿಂದ ನೀರ್ಚಾಲು ಕಡೆಗೆ ಸಾಗುತ್ತಿದ್ದ ಪಿಕಪ್ ವ್ಯಾನ್ ಬದಿಯಡ್ಕದತ್ತ ಬರುತ್ತಿದ್ದ ಬೈಕ್ ಮಧ್ಯೆ ಅಪಘಾತ ಸಂಭವಿಸಿದ್ದು, ರಸ್ತೆಗೆಸೆಯಲ್ಪಟ್ಟ ಅಭಿಷೇಕ್ ಹಾಗೂ ರಾಹುಲ್‌ನನ್ನು ಸ್ಥಳೀಯರು ಚೆರ್ಕಳದ ಖಾಸಗಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ.