ರಾಜ್ಯದಲ್ಲಿ ಸೈಬರ್ ಅಪರಾಧ ಪ್ರಕರಣದಲ್ಲಿ ನಾಲ್ಕು ಪಟ್ಟು ಏರಿಕೆ

ಕಾಸರಗೋಡು: ರಾಜ್ಯದಲ್ಲಿ ಸೈಬರ್ ಅಪರಾಧ ಪ್ರಕರಣಗಳ ಸಂಖ್ಯೆ ದಿನೇ ದಿನೇ ಹೆಚ್ಚಾಗುತ್ತಿದೆ ಎಂದು ರಾಜ್ಯ ಆರ್ಥಿಕ ಅವಲೋಕನಾ ಸಭೆಯ ವರದಿಯಲ್ಲಿ ಸೂಚಿಸಲಾಗಿದೆ. 2023-24ನೇ ವರ್ಷದಲ್ಲಿ ಸೈಬರ್ ಅಪರಾಧ ಕೃತ್ಯಗಳಿಗೆ ಸಂಬAಧಿಸಿ ರಾಜ್ಯದಲ್ಲಿ 3,38,2 ಪ್ರಕರಣಗಳು ರಾಜ್ಯದ ಸೈಬರ್ ಸೆಲ್ನಲ್ಲಿ ದಾಖಲು ಗೊಂಡಿವೆ. ಈ ಹಿಂದಿನ ವರ್ಷಗಳೊಂದಿಗೆ ಇದನ್ನು ಹೋಲಿಸಿ ನೋಡಿದಲ್ಲಿ ಇದು ನಾಲ್ಕು ಪಟ್ಟು ಹೆಚ್ಚಾಗಿದೆ.
2023-24ನೇ ವರ್ಷದಲ್ಲಿ ಆನ್ಲೈನ್ ಮೂಲಕ ಹಣ ವಂಚನೆಗೆ ಸಂಬAಧಿಸಿ ಮಾತ್ರವಾಗಿ 2,772 ಪ್ರಕರಣಗಳು ರಾಜ್ಯದಲ್ಲಿ ದಾಖಲುಗೊಂಡಿದೆ. ಆ ಮೂಲಕ ಇಂತಹ ಸೈಬರ್ ವಂಚನಾ ಜಾಲದವರು ಕೋಟಿಗಟ್ಟಲೆ ರೂಪಾಯಿ ಎಗರಿಸಿದ್ದಾರೆ. 72 ಮಂದಿಯ ಬ್ಯಾಂಕ್ ಖಾತೆಗಳು ಹಾಗೂ ಇ-ಮೇಲ್ನ ಹ್ಯಾಕ್ ಗೈಯ್ಯಲಾಗಿದೆ. ಸಾಮಾಜಿಕ ಜಾಲತಾಣಗಳ ದುರುಪಯೋಗ, ಮಕ್ಕಳ ಅಶ್ಲೀಲ ಚಿತ್ರ ಮತ್ತು ವೀಡಿಯೋ ರವಾನಿಸುವಿಕೆ, ಸ್ಮಾರ್ಟ್ ಫೋನ್ಗಳ ಮೂಲಕ ಇತರ ಅಪರಾಧ ಕೃತ್ಯ ನಡೆಸುವಿಕೆ, ಇತ್ಯಾದಿಗಳ ಇಂತಹ ಅಪರಾಧ ಪ್ರಕರಣಗಳು ಇವುಗಳಲ್ಲಿ ಹೆಚ್ಚಿನವುಗಳಾಗಿವೆ ಎಂದೂ ವರದಿಯಲ್ಲಿ ತಿಳಿಸಲಾಗಿದೆ.