ವಾಹನ ಕಳವು ಆರೋಪಿ, ಮಾಲೆ ಎಗರಿಸುವ ತಂಡದ ಸದಸ್ಯನ ಬಂಧನ

ಕಾಸರಗೋಡು: ಕುಖ್ಯಾತ ವಾಹನ ಕಳವು ಆರೋಪಿ, ಮಾಲೆ ಎಗರಿಸುವ ತಂಡದ ಸದಸ್ಯನಾದ ಯುವಕನನ್ನು ಪೊಲೀಸರು ಬಂಧಿಸಿದ್ದಾರೆ. ಪಳ್ಳಿಕೆರೆ ಪಾಕಂ ಚೆರ್ಕಾಪ್ಪಾರ ಎಂಬಲ್ಲಿನ ಇಬ್ರಾಹಿಂ ಬಾದುಷ (22)  ಎಂಬಾತ ಬಂಧಿತ ಆರೋಪಿಯಾಗಿದ್ದಾನೆ. ಕಣ್ಣೂರು ರೈಲ್ವೇ ನಿಲ್ದಾಣದಲ್ಲಿ ಸಂಶ ಯಾಸ್ಪದವಾಗಿ ಕಂಡು ಬಂದ ಹಿನ್ನೆಲೆಯಲ್ಲಿ ಈತನನ್ನು ರೈಲ್ವೇ ಪೊಲೀಸರು ಕಸ್ಟಡಿಗೆ ತೆಗೆದು ವಿಚಾರಣೆ ನಡೆಸಿದಾಗ ಈತ ಕಳವು ಆರೋಪಿ ಎಂದು ತಿಳಿದು ಬಂದಿದೆ. ಈತನನ್ನು ಸಮಗ್ರ ತನಿಖೆ ಗೊಳಪಡಿಸಿದಾಗ ಕಾಞಂಗಾಡ್ ಪೊಲೀಸ್ ಠಾಣೆಯಲ್ಲಿ ಈತನ ವಿರುದ್ಧ ವಾರಂಟ್ ಇರುವುದಾಗಿ ತಿಳಿದು ಬಂದಿದೆ. ಈ ಹಿನ್ನೆಲೆಯಲ್ಲಿ ಆರೋಪಿಯನ್ನು ಕಾಞಂಗಾಡ್ ಪೊಲೀಸರಿಗೆ ಹಸ್ತಾಂತರಿಸಲಾಗಿದೆ.

ಪಾದಚಾರಿಗಳಾದ ಮಹಿಳೆ ಯರ ಕುತ್ತಿಗೆಯಿಂದ ಹಾಗೂ ಆಯುರ್ವೇದ ಔಷಧಿ ಅಂಗಡಿಗೆ ನುಗ್ಗಿ ಮಾಲಕನ ಕುತ್ತಿಗೆಯಿಂದ ಮಾಲೆ ಎಗರಿಸಿದ ಪ್ರಕರಣದಲ್ಲಿ ಇಬ್ರಾಹಿಂ ಬಾದುಷ ಆರೋಪಿ ಯಾಗಿದ್ದಾನೆ. ಪ್ರಸ್ತುತ ಪ್ರಕರಣಗಳಲ್ಲಿ ಈತನನ್ನು ಈ ಹಿಂದೆ ಬಂ ಧಿಸಲಾಗಿತ್ತು.

ಬಂದಡ್ಕ, ಪಡ್ಪುವಿನ ಆಯುರ್ವೇದ ಮದ್ದಿನಂಗಡಿಗೆ ನುಗ್ಗಿ ಮಾಲಕನ ಮಾಲೆ ಎಗರಿಸಿದ ಪ್ರಕರಣದಲ್ಲಿ ಹಾಗೂ ಬೇಡಗಂ ಚೇರಿಪ್ಪಾಡಿ ನಾಗತ್ತುಂಕಾಲ್‌ನಲ್ಲಿ ಪಾದಚಾರಿ ಮಹಿಳೆಯ ಕುತ್ತಿಗೆಯಿಂದ ಮಾಲೆ ಎಗರಿಸಿ ಪರಾರಿಯಾದ ಪ್ರಕರಣದಲ್ಲಿ ಇಬ್ರಾಹಿಂ ಬಾದುಷ ಹಾಗೂ ಮತ್ತಿಬ್ಬರನ್ನು ಪೊಲೀಸರು ಈ ಹಿಂದೆ ಬಂಧಿಸಿದ್ದರು. ಮಡಿಕೈ ಚರುದ ಕ್ಕಿಣರ್ ಎಂಬಲ್ಲಿ ವ್ಯಾಪಾರಿಯ ಪತ್ನಿಯ ಕುತ್ತಿಗೆಯಿಂದ ಮಾಲೆ ಎಗರಿಸಿ ಪರಾರಿಯಾಗಿರುವುದು  ಇಬ್ರಾಹಿಂ ಬಾದುಷ ಆಗಿದ್ದಾನೆಂದು ಪೊಲೀಸರು ತನಿಖೆಯಲ್ಲಿ ಪತ್ತೆಹಚ್ಚಿ ದರು. ಮಾಲೆ ಎಗರಿಸಿದುದಲ್ಲದೆ ಮಂಗಳೂರು, ಕಂಕನಾಡಿ, ಬಂದರು, ಕಲ್ಲಿಕೋಟೆ ಕಸಬ ಎಂಬೆಡೆಗಳಲ್ಲೂ ಬೈಕ್ ಕಳವು ಪ್ರಕರಣಗಳಲ್ಲಿ ಇಬ್ರಾಹಿಂ ಬಾದುಷ ಆರೋಪಿಯಾಗಿ ದ್ದಾನೆಂದು ಪೊಲೀಸರು ತಿಳಿಸಿದ್ದಾರೆ.