ಶ್ರೀ ವರದರಾಜ ವೆಂಕಟರಮಣ ದೇವಸ್ಥಾನದಲ್ಲಿ ಭಜನಾ ಸಪ್ತಾಹ ೧೭ರಿಂದ

ಕಾಸರಗೋಡು:  ಶ್ರೀರಾಮ ಪೇಟೆಯ ಶ್ರೀವರದರಾಜ ವೆಂಕಟರಮಣ ದೇವಸ್ಥಾನದ ೧೧೩ನೇ ವರ್ಷದ ಸಂಕೀರ್ತನಾ ಸಪ್ತಾಹ ಈತಿಂಗಳ ೧೭ರಿಂದ ೨೪ರ ವರೆಗೆ ನಡೆಯಲಿದೆ. ೧೬ರಂದು  ಕ್ಷೇತ್ರದಲ್ಲಿ ಐದು ತೆಂಗಿನಕಾಯಿಯ ಶ್ರೀ ಗಣಪತಿಹೋಮ ಜರಗಲಿದೆ. ೧೭ರಂದು ಬೆಳಿಗ್ಗೆ ಶ್ರೀ ವರದರಾಜ ವೆಂಕಟರಮಣ ದೇವರಿಗೆ ಪೂಜೆ, ದೀಪ ಪ್ರಜ್ವಲನೆ, ಭಜನೆ ಪ್ರಾರಂಭವಾಗುವುದು.

ಸಪ್ತಾಹದ ವೇಳೆ ಶ್ರೀ ವರದರಾಜ ವೆಂಕಟರಮಣ ದೇವರಿಗೆ ರಂಗಪೂಜೆ, ಶತಕಲಶಾಭಿಷೇಕ, ಭಾಗೀರಥಿ  ಕನಕಾಭಿಷೇಕ, ಸಾನಿಧ್ಯ ಹವನ ನಡೆಯುವುದು,.  ೨೩ರಂದು ಗೀತಾ ಜಯಂತಿ ಸಭಾ ಕಾರ್ಯಕ್ರಮ ನಡೆಯುವುದು. ನಡೆಸಲಾದ ಸ್ಪರ್ಧೆಯ ವಿಜೇತರಿಗೆ ಬಹುಮಾನ ವಿತರಣೆ ಈ ವೇಳೆ ಮಾಡಲಾಗುವುದು. ೨೪ರಂದು ಭಜನಾ ಮಂಗಲೋತ್ಸವ ನಡೆಯಲಿದೆ.