ಕುಂಬ್ಡಾಜೆ: ಪಿಕಪ್ ಚಾಲಕರೊ ಬ್ಬರು ಹೃದಯಾಘಾತದಿಂದ ಮೃತಪಟ್ಟ ಘಟನೆ ನಡೆದಿದೆ. ಕುಂಬ್ಡಾಜೆ ಬಳ್ಳಂದೂರು ನಿವಾಸಿ ಅಂದಚ್ಚ ಎಂಬವರ ಪುತ್ರ ಬಷೀರ್ (೪೫) ಎಂಬವರು ಮೃತಪಟ್ಟ ವ್ಯಕ್ತಿ. ಇವರಿಗೆ ಇಂದು ಬೆಳಿಗ್ಗೆ ಎದೆನೋವು ಉಂಟಾಗಿತ್ತೆನ್ನಲಾಗಿದೆ. ಕೂಡಲೇ ಬದಿಯಡ್ಕದ ಆಸ್ಪತ್ರೆಗೂ ಬಳಿಕ ಕಾಸರಗೋಡಿಗೆ ಕರೆದೊಯ್ಯಲಾಗಿದೆ. ಆದರೆ ಅಷ್ಟರೊಳಗೆ ನಿಧನ ಸಂಭವಿಸಿದೆ. ಮೃತರು ತಾಯಿ ಬೀವಿಂಞಿ, ಪತ್ನಿ ಸುಹರಾ, ಮಕ್ಕಳಾದ ಅಪ್ಸಲ್, ಅನಸ್, ಅಫೀಸ್, ಸಹೋದರರಾದ ಇಕ್ಭಾಲ್, ಹಕೀಂ, ಅಶ್ರಫ್, ಸಹೋದರಿ ಹಾಜಿರ ಹಾಗೂ ಅಪಾರ ಬಂಧು-ಮಿತ್ರರನ್ನು ಅಗಲಿದ್ದಾರೆ.
