ಕಾಸರಗೋಡು: ತ್ಯಾಜ್ಯ ಸಂಸ್ಕರಣೆಗೆ ಸಂಬಂಧಿಸಿ ಕಾನೂನು ಉಲ್ಲಂಘನೆಗಳನ್ನು ಪರಿಶೀಲಿಸುವ ಜಿಲ್ಲಾ ಎನ್‌ಫೋರ್ಸ್‌ಮೆಂಟ್ ಸ್ಕ್ವಾಡ್ ಜಿಲ್ಲೆಯ ವಿವಿಧ ಭಾಗಗಳಲ್ಲಿ ನಡೆಸಿದ ತಪಾಸಣೆಯಲ್ಲಿ ಎರಡು ದಿನಗಳೊಳಗೆ 500 ಕಿಲೋಗಿಂತಲೂ ಹೆಚ್ಚು ನಿಷೇಧಿತ ತಟ್ಟೆಗಳು, ಗ್ಲಾಸ್‌ಗಳನ್ನು ಪತ್ತೆಹಚ್ಚಿ ದಂಡ ಹೇರಿದೆ. ಮೀಂಜ ಪಂ.ನ ಸೂಪರ್ ಮಾರ್ಕೆಟ್‌ನಿಂದ, ಅಂಗಡಿಗಳಿಂದ ಮಾರಾಟಕ್ಕಾಗಿ ಇರಿಸಿದ್ದ ೧೫೦ ಕಿಲೋ ಗ್ರಾಂ ನಿಷೇಧಿತ ಉತ್ಪನ್ನಗಳನ್ನು ಪತ್ತೆಹಚ್ಚಿ ಮಾಲಕರಿಗೆ 10,000 ರೂ.ನಂತೆ ದಂಡ ವಿಧಿಸಲಾಗಿದೆ. ಪೈವಳಿಕೆ ಪಂಚಾಯತ್ ವ್ಯಾಪ್ತಿಯ ಸೂಪರ್ ಮಾರ್ಕೆಟ್‌ನಿಂದ 50 ಕಿಲೋ ಗ್ರಾಂ ನಿಷೇಧಿತ ಉತ್ಪನ್ನಗಳನ್ನು ಪತ್ತೆಹಚ್ಚಿ 10,000 ರೂ. ದಂಡ ವಿಧಿಸಲಾಗಿದೆ.

ಕಾಞಂಗಾಡ್ ನಗರಸಭೆಯ ಎರಡು ಸಂಸ್ಥೆಗಳ ಗೋದಾಮುಗಳಿಂದ 299 ಕಿಲೋ ನಿಷೇಧಿತ ಉತ್ಪನ್ನಗಳನ್ನು ವಶಪಡಿಸಲಾಗಿದ್ದು, 1೦,೦೦೦ ರೂ.ನಂತೆ ಸಂಸ್ಥೆಯ ಮಾಲಕರಿಗೆ ದಂಡ ಹೇರಲಾಗಿದೆ. ವಶಪಡಿಸಿದ ಉತ್ಪನ್ನಗಳನ್ನು ಸ್ಥಳೀಯಾಡಳಿತ ಸಂಸ್ಥೆಗಳ ತ್ಯಾಜ್ಯ ಸಂಗ್ರಹಿಸುವ ಎಂಸಿಎಫ್ ಮೂಲಕ ಸಂಬಂಧ ಪಟ್ಟ ಏಜೆನ್ಸಿಗಳಿಗೆ ನೀಡಲು ನಿರ್ದೇಶಿಸಲಾ ಗಿದೆ. ನಿಷೇಧಿತ ಉತ್ಪನ್ನಗಳನ್ನು ಪ್ರತ್ಯೇಕ ವಾಹನಗಳಲ್ಲಿ ಅನಧಿಕೃತವಾಗಿ ಅಂಗಡಿಗಳಿಗೆ ಕೆಲವು ಏಜೆನ್ಸಿಗಳು ತಲುಪಿಸುತ್ತಿರುವುದಾಗಿ ಮಾಹಿತಿ ಲಭಿಸಿದೆ. ತಪಾಸಣೆಯಲ್ಲಿ ಜಿಲ್ಲಾ ಎನ್‌ಫೋರ್ಸ್‌ಮೆಂಟ್ ಸ್ಕ್ವಾಡ್ ಲೀಡರ್ ಕೆ.ವಿ. ಮುಹಮ್ಮದ್ ಮದನಿ, ಸದಸ್ಯರಾದ ಟಿ.ಸಿ. ಶೈಲೇಶ್, ವಿ.ಎಂ. ಜೋಸ್, ಪಬ್ಲಿಕ್ ಹೆಲ್ತ್ ಇನ್ಸ್‌ಪೆಕ್ಟರ್ ಕೆ. ಮನೋಹರನ್, ಕ್ಲಾರ್ಕ್ ಮಂಜೇಶ್ ಕುಮಾರ್ ಭಾಗವಹಿಸಿದರು.