ಚೆನ್ನೈ: ತಮಿಳುನಾಡು ಪುದುಕೋಟೆಯಲ್ಲಿ ಸಂಭವಿಸಿದ ವಾಹನ ಅಪಘಾತದಲ್ಲಿ ೫ ಮಂದಿ ಅಯ್ಯಪ್ಪ ವ್ರತಧಾರಿಗಳು ಮೃತಪಟ್ಟರು. ನಿಯಂತ್ರಣ ತಪ್ಪಿದ ಲಾರಿ ಚಹದಂಗಡಿಗೆ ನುಗ್ಗಿದ್ದು, ಅಪಾಯಕ್ಕೆ ಕಾರಣವಾಗಿದೆ. ೧೯ ಮಂದಿಗೆ ಘಟನೆಯಲ್ಲಿ ಗಾಯ ಉಂಟಾಗಿದೆ. ಮುಂಜಾನೆ ವೇಳೆ ಚಹ ಕುಡಿಯಲೆಂದು ವಾಹನವನ್ನು ನಿಲ್ಲಿಸಿ ರಸ್ತೆ ಬದಿಯ ಗೂಡಂಗಡಿಗೆ ತೆರಳಿದ್ದರು. ಈ ವೇಳೆ ಸಿಮೆಂಟು ಲಾರಿಯೊಂದು ನಿಯಂತ್ರಣ ತಪ್ಪಿ ವಾಹಗಳಿಗೆ ಢಿಕ್ಕಿ ಹೊಡೆದ ಗೂಡಂಗಡಿಗೆ ನುಗ್ಗಿದೆ. ಪೊಲೀಸರು, ಅಗ್ನಿಶಾಮಕದಳ ತಲುಪಿ ಸಾಹಸದಿಂದ ಲಾರಿಯನ್ನು ಮುರಿದು ತೆಗೆದು ಮೃತದೇಹಗಳನ್ನು ಹೊರತೆಗೆದಿದ್ದಾರೆ. ಗಾಯಗೊಂಡ ವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.
