ಕುಂಬಳೆ: ಮೀನುಗಾರಿಕೆಗೆ ಬಳಸುವ ಬಲೆಯಿಂದ ಬೆಲೆಬಾಳುವ ಸಾಮಗ್ರಿ ಕಳವಿಗೀಡಾದ ಘಟನೆ ನಡೆದಿದೆ. ಆರಿಕ್ಕಾಡಿ ಕಡವತ್‌ನ ಮೊಹಮ್ಮದ್ ಕುಂಞಿಯವರು ಮೀನುಗಾರಿಕೆಗೆ ಬಳಸುವ ಬಲೆಯಿಂದ ಸಾಮಗ್ರಿ ಕಳವುಗೈಯ್ಯ ಲಾಗಿದೆ. ಬಲೆಯನ್ನು ಕುಂಬಳೆ ಸೇತುವೆ  ಸಮೀಪ ಇರಿಸಲಾಗಿತ್ತು. ಆ ಬಲೆಯನ್ನು  ಹಲವು ತುಂಡುಗಳಾಗಿ  ಮಾಡಿ ಅದರಲ್ಲಿದ್ದ ಸಾಮಗ್ರಿಗಳನ್ನು ದೋಚಲಾಗಿದೆ. ಸುಮಾರು 80 ಸಾವಿರ ರೂಪಾಯಿಗಳ ಉಪಕರಣ ಕಳವು ನಡೆದಿದೆ. ಅದೇ ರೀತಿ ಬಲೆಯನ್ನು ತುಂಡರಿಸಿ ನಾಶಗೊಳಿಸಿರುವುದರಿಂದ 2 ಲಕ್ಷ ರೂಪಾಯಿಗಳ ನಷ್ಟ ಉಂಟಾಗಿದೆ ಎಂದು ದೂರಲಾಗಿದೆ. ಈ ಬಗ್ಗೆ ಮೊಹಮ್ಮದ್ ಕುಂಞಿ ನೀಡಿದ ದೂರಿನಂತೆ ಕುಂಬಳೆ ಪೊಲೀಸರು ಕೇಸು ದಾಖಲಿಸಿ ತನಿಖ ನಡೆಸುತ್ತಿದ್ದಾರೆ. ಇದೇ ವೇಳೆ ಬಲೆಯಿಂದ ಕಳವುಗೈದ ಸಾಮಗ್ರಿಗಳನ್ನು ಹೊಸಂಗಡಿಯ ಗುಜರಿ ಅಂಗಡಿಯೊಂದರಲ್ಲಿ ಮಾರಾಟಗೈದಿರುವುದಾಗಿ ತಿಳಿದುಬಂದಿದೆಯೆಂದು ಪೊಲೀಸರು ತಿಳಿಸಿದ್ದಾರೆ.