ನಿಗೂಢ ನಾಪತ್ತೆಯಾದ ಮೀನು ಕಾರ್ಮಿಕನಿಗಾಗಿ ಮುಂದುವರಿದ ಶೋಧ

ಮಂಜೇಶ್ವರ: ಕಳೆದ ನಾಲ್ಕು ದಿ ಗಳಿಂದ ನಿಗೂಢವಾಗಿ ನಾಪತ್ತೆ ಯಾಗಿರುವ ಮೀನು ಕಾರ್ಮಿಕನಿಗಾಗಿ ಶೋಧ ತೀವ್ರಗೊಳಿಸಲಾಗಿದೆ. ಮಂಜೇಶ್ವರ ಚರ್ಚ್ ಬೀಚ್ ರಸ್ತೆ ಬಳಿಯ ನಿವಾಸಿ ದಿ| ಫೆಲಿಕ್ಸ್ ಮೊಂತೇರೋರ ಪುತ್ರ ರೋಷನ್ ಮೊಂತೇರೋ (೪೨)ರ ಪತ್ತೆಗಾಗಿ ಶೋಧ ನಡೆಸಲಾಗುತ್ತಿದೆ. ಕರಾವಳಿ ಪೊಲೀಸರು ಮಂಜೇಶ್ವರ ಸಮುದ್ರ ಕಿನಾರೆ ಬಳಿ ನಾಗರಿಕರ ಸಹಾಯದೊಂದಿಗೆ ಶೋಧ ಆರಂಭಿಸಿದ್ದಾರೆ.  ಕಳೆದ ಶನಿವಾರ ರಾತ್ರಿ ಬಳಿಕ ರೋಷನ್ ಮೊಂತೇರೋ ಮನೆಯಿಂದ ನಾಪತ್ತೆಯಾಗಿದ್ದರು. ಈ ಬಗ್ಗೆ ಅವರ ಪತ್ನಿ ರೇಖಾ ಮೊಂತೇರೋ ನೀಡಿದ ದೂರಿನಂತೆ ಮಂಜೇಶ್ವರ ಪೊಲೀಸರು ಕೂಡಾ ಕೇಸು ದಾಖಲಿ ಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ. ರೋಷನ್ ಮೊಂತೇರೋರ ಚಪ್ಪಲಿ, ಮೊಬೈಲ್, ಪರ್ಸ್, ಉಂಗುರ ಮೊದ ಲಾದವುಗಳು ಮನೆಯಲ್ಲೇ ಪತ್ತೆಯಾಗಿದೆ. ಇವುಗಳನ್ನು ಮನೆಯಲ್ಲಿರಿಸಿ ಎಲ್ಲಿಗೆ ತೆರಳಿದ್ದಾರೆಂದು ತಿಳಿದು ಬಂದಿಲ್ಲ ಎಂದು ಮನೆಯವರು ತಿಳಿಸಿದ್ದಾರೆ.