ಕಾಸರಗೋಡು: ಕಾಸರಗೋಡು ಜನರಲ್ ಆಸ್ಪತ್ರೆಗೆ ರಕ್ತದೊತ್ತಡ ತಪಾಸಣಾ ಉಪಕರಣಗಳನ್ನು ವಿತರಿಸುವ ಮೂಲಕ ಇದೇ ಆಸ್ಪತ್ರೆಯ ಹಿರಿಯ ವೈದ್ಯಾಧಿಕಾರಿಯಾದ ಡಾ. ಜನಾರ್ದನ್ ನಾಯ್ಕ್ ಸಿ.ಎಚ್. ಭಿನ್ನವಾದ ರೀತಿಯಲ್ಲಿ ಹುಟ್ಟುಹಬ್ಬ ಆಚರಿಸಿದ್ದಾರೆ.
ಸಾಧಾರಣವಾಗಿ ಪ್ರತೀ ವರ್ಷ ಡಾ| ಜನಾರ್ದನ್ ನಾಯ್ಕ್ ಜನರಲ್ ಆಸ್ಪತ್ರೆಗೆ ರಕ್ತದಾನ ಗೈದು ತಮ್ಮ ಹುಟ್ಟುಹಬ್ಬ ಆಚರಿಸುತ್ತಿದ್ದರು. ಆದರೆ ಅವರು ಇತ್ತೀಚೆಗೆ ಆಂಜಿಯೋಪ್ಲಾಸ್ಟ್ಗೊಳಗಾಗಿರುವ ಹಿನ್ನೆಲೆಯಲ್ಲಿ ಅವರಿಗೆ ಈ ಬಾರಿ ಹುಟ್ಟು ಹಬ್ಬದಂಗವಾಗಿ ರಕ್ತದಾನ ಮಾಡಲು ಸಾಧ್ಯವಾಗಿರಲಿಲ್ಲ. ಅದರಿಂದಾಗಿ ಅವರು ಆ ರೀತಿಯನ್ನು ಈ ಬಾರಿ ಬದಲಾಯಿಸಿ ರಕ್ತದೊತ್ತಡ ತಪಾಸಣಾ ಉಪಕರ ಣಗಳನ್ನು ಜನರಲ್ ಆಸ್ಪತ್ರೆಯ ಬ್ಲಡ್ ಬ್ಯಾಂಕ್ಗೆ ವಿತರಿಸುವ ಮೂಲಕ ಈ ಬಾರಿ ತಮ್ಮ ಹುಟ್ಟು ಹಬ್ಬವನ್ನು ಭಿನ್ನವಾದ ರೀತಿಯಲ್ಲಿ ಆಚರಿಸಿದರು. ಮಾತ್ರವಲ್ಲ ಹುಟ್ಟು ಹಬ್ಬದಂಗ ವಾಗಿ ಅವರು ಆಸ್ಪತ್ರೆಯ ಕುಟುಂಬಶ್ರೀ ಕಾರ್ಯಕರ್ತೆ ಯರು ಮತ್ತು ಆಸ್ಪತ್ರೆಯ ಬೋಯ್ ಸುಂದರರಿಗೆ ಇದೇ ಸಂದರ್ಭದಲ್ಲಿ ಹೊಸ ಬಟ್ಟೆಗಳನ್ನು ವಿತರಿಸಿದರು.
