ಮನೆಯಿಂದ 35 ಪವನ್ ಚಿನ್ನ, 15,000 ರೂ. ನಗದು ಕಳವು ಸಂಬಂಧಿಕನ ವಿರುದ್ಧ ಕೇಸು
ಕಾಸರಗೋಡು: ಮನೆಯಿಂದ 35 ಪವನ್ ಚಿನ್ನ ಮತ್ತು 15,000 ರೂ. ನಗದು ಕಳವುಗೈದ ಬಗ್ಗೆ ಕಾಸರಗೋಡು ಪೊಲೀಸರಿಗೆ ದೂರು ನೀಡಲಾಗಿದೆ.
ಅಣಂಗೂರು ಪಚ್ಚಕ್ಕಾಡನ ಮೊಹಮ್ಮದ್ ಇಸಾಕ್ ಎಂಬವರ ಮನೆಯಲ್ಲಿ ಕಳವು ನಡೆದಿದೆ. ಈ ಬಗ್ಗೆ ಮೊಹಮ್ಮದ್ ಇಸಾಕ್ ನೀಡಿದ ದೂರಿನಂತೆ ಅವರ ಮಗಳ ಮಗ ಅಬ್ದುಲ್ ರಹಮಾನ್ ಅಲಿಯಾಸ್ ಅಬ್ಬು ಎಂಬಾತನ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಆರಂಭಿಸಿದ್ದಾರೆ.
ಅಕ್ಟೋಬರ್ 25 ಮತ್ತು 27ರ ಮಧ್ಯೆ ತನ್ನ ಮನೆಯ ಕಪಾಟಿನೊಳಗೆ ಇರಿಸಿದ್ದ ನಗ ಮತ್ತು ನಗದನ್ನು ಕಳವುಗೈಯ್ಯಲಾಗಿದೆಯೆಂದು ಪೊಲೀಸರಿಗೆ ನೀಡಿದ ದೂರಿನಲ್ಲಿ ಮೊಹಮ್ಮದ್ ಇಸಾಕ್ ತಿಳಿಸಿದ್ದಾರೆ.
