ವಯನಾಡ್‌ನ ಜನವಾಸ ಕೇಂದ್ರದಲ್ಲಿ ಕರಡಿ
ವಯನಾಡ್: ವಯನಾಡ್‌ನ ಜನವಾಸ ಪ್ರದೇಶದಲ್ಲಿ ಕರಡಿಯೊಂದು ಕಳೆದ ಕೆಲವು ದಿನಗಳಿಂದ ಅಲೆದಾಡುತ್ತಿದ್ದು, ಇದು ನಾಗರಿಕರಲ್ಲಿ ಆತಂಕ ಸೃಷ್ಟಿಸಿದೆ. ನಾಗರಿಕರು ಹಾಗೂ ಅರಣ್ಯ ಇಲಾಖೆ ಸಿಬ್ಬಂದಿಗಳು ಸೇರಿ ಕರಡಿಯನ್ನು ಸೆರೆ ಹಿಡಿಯಲು ಪ್ರಯತ್ನ ನಡೆಸುತ್ತಿದ್ದರಾದರೂ ಅದು ಸಾಧ್ಯವಾಗುತ್ತಿಲ್ಲ. ಕರಡಿಗೆ ಅಸೌಖ್ಯ ಬಾಧಿಸಿದೆ. ಆದರೂ ಅತೀ ವೇಗದಲ್ಲಿ ಓಡಾಡುತ್ತಿರುವುದರಿಂದ ಮಾದಕಗುಂಡು ಹಾರಿಸಲು ಸಾಧ್ಯವಾಗುತ್ತಿಲ್ಲ. ಕಳೆದ ೬೦ ಗಂಟೆಗಳಲ್ಲಿ ಕರಡಿ ಕನಿಷ್ಠ ೩೦ ಕಿಲೋ ಮೀಟರ್ ನಷ್ಟು ಸಂಚರಿಸಿದೆ ಎನ್ನಲಾಗಿದೆ.
