ವೈದ್ಯ ದಂಪತಿಯ ಕಾರುಗಳಿಗೆ ಹಾನಿ

ಕಾಸರಗೋಡು: ಕಾಸರಗೋಡು ಜನರಲ್ ಆಸ್ಪತ್ರೆಯ ವೈದ್ಯ ಹಾಗೂ ಪತ್ನಿಯ ಕಾರುಗಳ ಗಾಜುಗಳನ್ನು ಕಲ್ಲು ಹಾಕಿ ಹಾನಿಗೊಳಿಸಿದ ಸ್ಥಿತಿ ಯಲ್ಲಿ ಪತ್ತೆಯಾಗಿದೆ. ಡಾ| ಅಭಿಜಿತ್‌ದಾಸ್, ಪತ್ನಿ ಡಾ| ದಿವ್ಯ ಎಂಬಿವರ ಕಾರುಗಳಿಗೆ ಹಾನಿಗೈಯ್ಯಲಾಗಿದೆ.  ಈ ಇಬ್ಬರು ವಾಸಿಸುವ ಕಾಞಂ ಗಾಡ್ ಉದಯಾಂಕುನ್ನುವಿನ ಬಾಡಿಗೆ ಮನೆ ಮುಂದೆ ಕಾರುಗಳನ್ನು ನಿಲ್ಲಿಸಲಾಗಿತ್ತು. ಡಾ| ಅಭಿಜಿತ್ ದಾಸ್‌ರ ಹೋಂಡಾ ಸಿಟಿ ಕಾರು, ಡಾ| ದಿವ್ಯಾರ ಆಲ್ಟೋ ಕಾರಿಗೆ ನಿನ್ನೆ ಮುಂಜಾನೆ 1 ಗಂಟೆ ವೇಳೆ  ಹಾನಿಗೊಳಿಸಿದ ಸ್ಥಿತಿಯಲ್ಲಿ ಪತ್ತೆಯಾಗಿದೆ. ಮಲಪ್ಪುರಂ ಪರಪ್ಪ ನಂಗಾಡಿ ನಿವಾಸಿಯಾದ ಡಾ| ಅಭಿಜಿತ್‌ದಾಸ್ ಹಾಗೂ ಪತ್ನಿ ಆರು ತಿಂಗಳ ಹಿಂದೆ ಉದಯಾಂಕುನ್ನುವಿನ ಬಾಡಿಗೆ ಮನೆಯಲ್ಲಿ ವಾಸ ಆರಂಭಿಸಿ ದ್ದರ. ಕಾರುಗಳಿಗೆ  ಹಾನಿಗೈದ ಬಗ್ಗೆ ವೈದ್ಯರು ನೀಡಿದ ದೂರಿನಂತೆ ಹೊಸದುರ್ಗ ಪೊಲೀಸರು ಕೇಸು ದಾಖಲಿಸಿ ತನಿಖೆ ಆರಂಭಿಸಿದ್ದಾರೆ.