ಜಿಐಒ ಜಿಲ್ಲಾ ಸಮ್ಮೇಳನ ಕುಂಬಳೆಯಲ್ಲಿ ನಾಳೆ

ಕುಂಬಳೆ: ಕೇರಳ ಗರ್ಲ್ಸ್ ಇಸ್ಲಾಮಿಕ್ ಆರ್ಗನೈಸೇಶನ್ ಜಿಲ್ಲಾ ಸಮ್ಮೇಳನ ನಾಳೆ ಕುಂಬಳೆಯಲ್ಲಿ ನಡೆಯಲಿದೆಯೆಂದು ಪದಾಧಿಕಾರಿಗಳು ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದ್ದಾರೆ. ನಾಳೆ ಸಂಜೆ 3 ಗಂಟೆಗೆ ನಡೆಯುವ ರ‍್ಯಾಲಿಯೊಂದಿಗೆ ಸಮ್ಮೇಳನ ಆರಂಭಗೊಳ್ಳಲಿದೆ. 4 ಗಂಟೆಗೆ ನಡೆಯುವ ಸಾರ್ವಜನಿಕ ಸಮ್ಮೇಳನವನ್ನು ಜಮಾಯತ್ ಇಸ್ಲಾಮಿ ಕೇರಳ ಅಮೀರ್ ಪಿ. ಮುಜೀಬ್ ರಹ್‌ಮಾನ್ ಉದ್ಘಾಟಿಸುವರು. ಸಂಘಟನೆ ರಾಜ್ಯ ಸಮಿತಿ ಸದಸ್ಯ ಅಫ್ರ ಶಿಹಾಬ್ ಪ್ರಧಾನ ಭಾಷಣ ಮಾಡುವರು. ರುಕ್ಸಾನ ಮುಸ್ಲಿಂ ಮಹಿಳೆಯರ ಸಾಧನೆಗಳು ಹಾಗೂ ಮುನ್ನಡೆಗಳು ಎಂಬ ವಿಷಯದಲ್ಲಿ ಮಾತನಾಡುವರು. ವಿವಿಧ ವಿಭಾಗದ ಮಹಿಳೆಯರು ಭಾಗವಹಿಸುವರು. ಈ ಬಗ್ಗೆ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಜಿ.ಐ.ಒ ಜಿಲ್ಲಾಧ್ಯಕ್ಷೆ ಫಾತಿಮತ್ ಜಾಸ್ಮಿ, ಪ್ರಧಾನ ಕಾರ್ಯದರ್ಶಿ ಇಬಾದ ಅಶ್ರಫ್, ಕಾರ್ಯದರ್ಶಿ ಗಳಾದ ಫಾತಿಮತ್ ಮುಹಿಸೀನ, ಮರಿಯಾ ಲುಬೈನಾ ಭಾಗವಹಿಸುವರು.