ಹೊಸದುರ್ಗ: ಕ್ಷೇತ್ರ ಉತ್ಸವದ ಅಂಗವಾಗಿ ನಡೆಸಿದ ಮೆಗಾ ನೃತ್ಯ ಕಾರ್ಯಕ್ರಮದಲ್ಲಿ ಪಾಲ್ಗೊಂಡ ಮಹಿಳೆ ಕುಸಿದುಬಿದ್ದು ಮೃತಪಟ್ಟ ಘಟನೆ ನಡೆದಿದೆ.

ಪಯ್ಯನ್ನೂರು ತೆರುವಿನ ಪಿ.ಟಿ. ಸುಕುಮಾರನ್‌ರ ಪತ್ನಿ ಜೀಜ ಸುಕುಮಾರನ್ (52) ಮೃತಪಟ್ಟ  ದುರ್ದೈವಿ. ಮಂಬಲಂ ಶ್ರೀ ಭಗವತೀ ಕ್ಷೇತ್ರ ಉತ್ಸವದಂಗವಾಗಿ ನಿನ್ನೆ ರಾತ್ರಿ ನೂರರಷ್ಟು ಮಂದಿ ಮಹಿಳೆಯರು ಪಾಲ್ಗೊಂಡ ಮೆಗಾ ನೃತ್ಯ ಕಾರ್ಯ ಕ್ರಮ ನಡೆಸಲಾಗಿತ್ತು. ಜೀಜ ಕೂಡಾ ಇದರಲ್ಲಿ ಪಾಲ್ಗೊಂಡಿದ್ದರು. ಕಾರ್ಯ ಕ್ರಮದ ಬಳಿಕ ವೇದಿಕೆಯಿಂದ ಕೆಳಗಿಳಿದೊಡನೆ ಜೀಜ ಕುಸಿದು ಬಿದ್ದಿದ್ದಾರೆ.  ತಕ್ಷಣ ಆಸ್ಪತ್ರೆಗೆ ತಲುಪಿಸ ಲೆತ್ನಿಸಿದರೂ ಜೀವ ರಕ್ಷಿಸಲಾಗಲಿಲ್ಲ.

ಮೃತರು ಪತಿ, ಮಕ್ಕಳಾದ ಜಿಷ್ಣು, ಸುಕನ್ಯ ಹಾಗೂ ಅಪಾರ ಬಂಧು-ಮಿತ್ರರನ್ನು ಅಗಲಿದ್ದಾರೆ.