ಮಂಜೇಶ್ವರ: ರೈಲ್ವೇ ನಿಲ್ದಾಣದ ಪ್ಲಾಟ್‌ಫಾರ್ಮ್‌ನಿಂದ  1632 ಪ್ಯಾಕೆಟ್ ಪಾನ್‌ಮಸಾಲೆ ಸಹಿತ ಇಬ್ಬರನ್ನು ಮಂಜೇಶ್ವರ ಪೊಲೀಸರು ಸೆರೆ ಹಿಡಿದಿದ್ದಾರೆ. ಮಲಪ್ಪುರಂ ಮರವಟ್ಟಂ ನಿವಾಸಿ ಶೌಕತ್‌ಅಲಿ (43), ಕಣ್ಣೂರು ಚೆಂಗಲಾಯಿ ನಿವಾಸಿ ಮೊಹಮ್ಮದ್ ಮೊಯ್ದೀನ್ (65) ಸೆರೆಗೀಡಾದವರು. ಶನಿವಾರ ಅಪರಾಹ್ನ 2 ಗಂಟೆಗೆ ಪ್ಲಾಟ್‌ಫಾರ್ಮ್‌ನಲ್ಲಿ ಗೋಣಿಚೀಲ ಸಹಿತ ನಿಂತಿದ್ದ ವೇಳೆ ಪೊಲೀಸರು ನಡೆಸಿದ ತಪಾಸಣೆಯಲ್ಲಿ ಪಾನ್‌ಮಸಾಲೆ ಪತ್ತೆಯಾಗಿದೆ. ಠಾಣೆ ಎಸ್‌ಐ ರತೀಶ್ ನೇತೃತ್ವದ ಪೊಲೀಸರು ಇವರನಬ್ಬರನ್ನು ಕಸ್ಟಡಿಗೆ ತೆಗೆದು ಮಾಲನ್ನು ವಶಪಡಿಸಿದ್ದಾರೆ.