ಉಪ್ಪಳ: ಸ್ನೇಹಿತನನ್ನು ಭೇಟಿಯಾಗಲೆಂದು ತಿಳಿಸಿ ಹೋದ ಬಳಿಕ ನಿಗೂಢವಾಗಿ ನಾಪತ್ತೆಯಾದ ಧರ್ಮತ್ತಡ್ಕ ನಿವಾಸಿ ಜೋನ್ ಡಿ’ಸೋಜಾ (೬೦)ರ ಪತ್ತೆಗಾಗಿ ಶೋಧ ಕಾರ್ಯಾಚರಣೆ ಮುಂದುವರಿ ಯುತ್ತಿದೆಯೆಂದು ಮಂಜೇಶ್ವರ ಪೊಲೀಸರು ತಿಳಿಸಿದ್ದಾರೆ.
ಜೋನ್ ಡಿ’ಸೋಜಾ ಈ ತಿಂಗಳ ೨ರಂದು ಬೆಳಿಗ್ಗೆ ೬ ಗಂಟೆಗೆ ಪೆರ್ಮುದೆಯಲ್ಲಿರುವ ಸ್ನೇಹಿತ ಜೋಸೆಫ್ ಎಂಬವರನ್ನು ಭೇಟಿಯಾಗಲೆಂದು ತಿಳಿಸಿ ಸ್ಕೂಟರ್ನಲ್ಲಿ ತೆರಳಿದ್ದರು. ಆದರೆ ಅನಂತರ ಮನೆಗೆ ಮರಳಿ ಬಂದಿಲ್ಲ. ಈ ಬಗ್ಗೆ ಲಭಿಸಿದ ದೂರಿನಂತೆ ಮಂಜೇಶ್ವರ ಎಸ್ಐ ರುಮೇಶ್ ನೇತೃತ್ವದ ಪೊಲೀಸರು ಹುಡುಕಾಟ ನಡೆಸಿದಾಗ ಅವರ ಸ್ಕೂಟರ್ ಹಾಗೂ ಮೊಬೈಲ್ ಫೋನ್ ಅಂಬಾರು ಎಂಬಲ್ಲಿನ ರಸ್ತೆ ಬದಿ ಪತ್ತೆಯಾಗಿದೆ. ಆ ಮೊಬೈಲ್ ಪರಿಶೀಲಿಸಿದ್ದು, ಆದರೆ ಅದರಿಂದ ಯಾವುದೇ ಮಾಹಿತಿ ಲಭಿಸಿಲ್ಲವೆನ್ನ ಲಾಗಿದೆ. ಧರ್ಮತ್ತಡ್ಕ ಸಹಿತ ವಿವಿಧೆ ಡೆಗಳಲ್ಲಿ ಸಿಸಿ ಕ್ಯಾಮರಾ ಪರಿಶೀಲಿಸಿ ದಾಗ ಅದರಲ್ಲಿ ಯಾವುದೇ ದೃಶ್ಯ ಕಂಡುಬಂದಿಲ್ಲ. ಜೋನ್ ಡಿಸೋಜಾರ ನಾಪತ್ತೆಯಿಂದ ಕುಟುಂಬ, ಸಂಬಂಧಿಕರಲ್ಲಿ ಆತಂಕ ಸೃಷ್ಟಿಸಿದೆ.
