ವರ್ಕಾಡಿ: ಪಂಚಾಯತ್‌ನ ಪಾವೂರು ಪೊಯ್ಯೆ ಎಂಬಲ್ಲಿ ನಿಗೂಢ ರೀತಿಯಲ್ಲಿ ನಿನ್ನೆ ಬೆಳಿಗ್ಗೆ ಕಾಡು ಹಂದಿ ಸಾವನ್ನಪ್ಪಿದ ಸ್ಥಿತಿಯಲ್ಲಿ ಪತ್ತೆಯಾದ ಸ್ಥಳಕ್ಕೆ ಆರೋಗ್ಯ ಇಲಾಖೆ, ಅರಣ್ಯ ಇಲಾಖೆ, ಪಂಚಾಯತ್ ಅದಿಕಾರಿಗಳು ತಲುಪಿದ್ದಾರೆ. ಸತ್ತು ಬಿದ್ದಿದ್ದ ಹಂದಿಯ ಪರಿಶೋದನೆ ನಡೆಸಲಾಗಿದ್ದು, ಬಳಿಕ ಮರಣೋತ್ತರ ಪರೀಕ್ಷೆ ನಡೆಸಲು ಹಂದಿಯನ್ನು ಕೊಂಡೊ ಯ್ಯಲಾಗಿದೆ.
ಕಳೆದ ಎರಡು ವಾರಗಳಿಂದ ಪಾವೂರು ಪೊಯ್ಯೆ ಸಹಿತ ಪರಿಸರ ಪ್ರದೇಶಗಳಲ್ಲಿ ಸುಮಾರು ಹತ್ತರಷ್ಟು ಹಂದಿಗಳು ನಿಗೂಢವಾಗಿ ಸಾವನ್ನ ಪುö್ಪತ್ತಿರುವುದು ಊರವರಲ್ಲಿ ಆತಂಕ ಉಂಟುಮಾಡಿದೆ. ಈ ಪ್ರದೇಶದಲ್ಲಿ ಈಗಾಗಲೇ ಹಲವರಿಗೆ ಹಂದಿ ಜ್ವರ ಕಂಡು ಬಂದಿರುವುದಾಗಿ ಹೇಳಲಾಗುತ್ತಿದ್ದು, ಸಾಮೂಹಿಕ ಹಂದಿಗಳ ಸಾವಿನಿಂದ ಭೀತಿ ಇನ್ನಷ್ಟು ಹೆಚ್ಚಾಗಿದೆ. ಹಂದಿಗಳ ಸಾವಿಗೆ ಕಾರಣವೇನೆಂದು ಪತ್ತೆ ಹಚ್ಚಬೇಕೆಂದು ಊರವರು ಆಗ್ರಹಿಸಿದ್ದಾರೆ.