ಕಾಸರಗೋಡು: ಆಟವಾಡ ಲೆಂದು ಮನೆಯಿಂದ ಹೊರಕ್ಕೆ ಹೋದ ಬಾಲಕರಿಬ್ಬರು ನಾಪತ್ತೆಯಾದ ಬಗ್ಗೆ ವಿದ್ಯಾನಗರ ಪೊಲೀಸರಿಗೆ ದೂರು ನೀಡಲಾಗಿದೆ. ಚೆಂಗಳ ಮುಟ್ಟತ್ತೋಡಿಯ ಎರ್ಮಾಳಂನ ಹಾಗೂ ತೈವಳಪ್ ವಲಿಯಮೂಲೆ ನಿವಾಸಿಗಳಾದ 14 ಮತ್ತು 15 ವರ್ಷ ಪ್ರಾಯದ ಬಾಲಕರಿಬ್ಬರು ನಾಪತ್ತೆಯಾದವರು. ನಿನ್ನೆ ಸಂಜೆ 4.30ಕ್ಕೆ ಹೊರಗಡೆ ಆಟಕ್ಕೆಂದು ಹೋಗುವುದಾಗಿ ತಿಳಿಸಿ ಈ ಬಾಲಕರು ಮನೆಯಿಂದ ಹೋಗಿದ್ದಾರೆ. ಅನಂತರ ಅವರು ಮನೆಗೆ ಹಿಂತಿರುಗಿಲ್ಲವೆಂದು ಮಕ್ಕಳ ಹೆತ್ತವರ ಪೈಕಿ ಒಬ್ಬರು ಪೊಲೀಸರಿಗೆ ನೀಡಿದ ದೂರಿನಲ್ಲಿ ತಿಳಿಸಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿ ಶೋಧ ಆರಂಭಿಸಿದ್ದಾರೆ.