ಮೀಂಜ ಪಂ.ನ ಮೈದಾನ ಅಭಿವೃದ್ಧಿಗೆ ಒಂದು ಕೋಟಿ ರೂ. ಮಂಜೂರು
ಹೊಸಂಗಡಿ: ಮೀಂಜ ಪಂಚಾಯತ್‌ನ ಮೈದಾನದ ಅಭಿವೃದ್ಧಿಗೆ ೧ ಕೋಟಿ ರೂ.ಗಳ ಆಡಳಿತಾನುಮತಿ ಲಭಿಸಿದೆ ಎಂದು ಶಾಸಕ ಎಕೆಎಂ ಅಶ್ರಫ್ ತಿಳಿಸಿದ್ದಾರೆ. ಮೀಯಪದವುನಲ್ಲಿರುವ ಪಂ. ಮೈದಾನದಲ್ಲಿ ಯಾವುದೇ ಸೌಕರ್ಯ ಇಲ್ಲದ ಹಿನ್ನೆಲೆಯಲ್ಲಿ ಶಾಸಕರು ನೀಡಿದ ಮನವಿ ಹಿನ್ನೆಲೆಯಲ್ಲಿ ಕಳೆದ ಬಜೆಟ್‌ನಲ್ಲಿ ಇದಕ್ಕೆ ಮೊತ್ತ ಮೀಸಲಿಡಲಾಗಿತ್ತೆಂದು ಶಾಸಕರು ತಿಳಿಸಿದ್ದಾರೆ. ಮೈದಾನದಲ್ಲಿ ಗ್ಯಾಲರಿ, ವೇದಿಕೆ, ಶುಚಿತ್ವ ಸಮುಚ್ಚಯ. ಕಚೇರಿ, ಆವರಣಗೋಡೆ ಸಹಿತ ವಿವಿಧ ಸೌಕರ್ಯಗಳನ್ನು ಏರ್ಪಡಿಸಲಾಗುವುದು. ತಾಂತ್ರಿಕ ಒಪ್ಪಿಗೆ ಲಭಿಸಿದ ಕೂಡಲೇ ಟೆಂಡರ್ ಕ್ರಮಗಳನ್ನು ನಡೆಸಿ ಕಾಮಗಾರಿ ಆರಂಭಿಸಲಾಗುವುದೆಂದು ಶಾಸಕರು ತಿಳಿಸಿದ್ದಾರೆ.
