ಮೊಗ್ರಾಲ್ ಕೆ.ಕೆ ಪುರದಲ್ಲಿ ಎರಡು ಕಡವು, ಎರಡು ದೋಣಿ ನಾಶ

ಕುಂಬಳೆ: ಹೊಳೆಗಳಿಂದ ಅನಧಿಕೃತವಾಗಿ ಹೊಯ್ಗೆ ಸಂಗ್ರಹ ತೀವ್ರಗೊಂಡಿದ್ದು, ಅದರ ವಿರುದ್ಧ ಕುಂಬಳೆ ಎಸ್‌ಐ ಟಿ.ಎಂ. ವಿಪಿನ್ ಕಠಿಣ ಕ್ರಮಗಳನ್ನು ಕೈಗೊಳ್ಳತೊ ಡಗಿದ್ದಾರೆ. ಮೊಗ್ರಾಲ್ ಕೆ.ಕೆ ಪುರದಲ್ಲಿ ಅನಧಿಕೃತವಾಗಿ ಹೊಯ್ಗೆ ಸಂಗ್ರಹ ನಡೆಯುತ್ತಿರುವ ವಿಷಯ ತಿಳಿದು ಇಂದು ಮುಂಜಾನೆ ಅಲ್ಲಿಗೆ ಎಸ್‌ಐ ನೇತೃತ್ವದಲ್ಲಿ ಪೊಲೀಸರು ದಾಳಿ ನಡೆಸಿದ್ದಾರೆ.ಈ ವೇಳೆ ಅಲ್ಲಿ ನಿರ್ಮಿಸಲಾಗಿದ್ದ ಎರಡು ಅನಧಿಕೃತ ಕಡವುಗಳು ಹಾಗೂ ಎರಡು ದೋಣಿಗಳನ್ನು ಪೊಲೀಸರು ಜೆಸಿಬಿ ಬಳಸಿ ನಾಶಗೊಳಿಸಿದ್ದಾರೆ. ದೋಣಿಗಳನ್ನು ಹೊಳೆಯಲ್ಲಿ  ಮುಳುಗಿಸಿಡಲಾಗಿತ್ತು.  ಎಸ್‌ಐ ಟಿ.ಎಂ. ವಿಪಿನ್ ಕುಂಬಳೆಯಲ್ಲಿ ಕರ್ತವ್ಯ ಆರಂಭಿಸಿದ  ಬಳಿಕ ಕಳೆದ ೨೫ ದಿನಗಳಲ್ಲಾಗಿ ನಡೆಸಿದ ಕಾರ್ಯಾಚರಣೆಯಲ್ಲಿ ಅನಧಿಕೃತವಾಗಿ ಹೊಯ್ಗೆ ಸಾಗಿಸುತ್ತಿದ್ದ ೧೦ ಟಿಪ್ಪರ್ ಲಾರಿಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಅದೇ ರೀತಿ ೧೫ ಅನಧಿಕೃತ ಕಡವುಗಳು ಹಾಗೂ ೧೦ ದೋಣಿಗಳನ್ನು ನಾಶಗೊಳಿಸ ಲಾಗಿದೆ. ಅಲ್ಲದೆ ೭ ಕಡವುಗಳ ಮಾಲ ಕರ ವಿರುದ್ಧ ಕೇಸು ದಾಖಲಿಸಲಾಗಿದೆ.